ދާޚިލީ ވަޒީރު ޢަލީ އިޙްސާންގެ އިތުބާރު ނެތްކަމުގެ މައްސަލަ އެމްޑީޕީން މަޖިލީހަށް ހުށަހެޅުމާ ގުޅިގެން، ޕްރޮގްރެސިވް ކޮންގްރެސް އޮފް މޯލްޑިވްސް (ޕީއެންސީ) އިން މި މައްސަލަ ފެއިލްކޮށްލާނެ ކަމަށް ބުނެފިއެވެ.
އެމްޑީޕީގެ 12 މެންބަރުން ސޮއިކޮށް މި މައްސަލަ މަޖިލީހަށް ހުށަހަޅާފައ ހުށަހަޅާފައިވާއިރު، ޕީއެންސީގެ ޕާލިމެންޓަރީ ގްރޫޕުގެ ލީޑަރު އިބްރާހިމް ފަލާޙް ވިދާޅުވެފައިވަނީ ޕީއެންސީގެ އެއްވެސް މެންބަރެއްގެ ތާއީދު މި މައްސަލައަށް ނުލިބޭނެ ކަމަށެވެ. އަދި އެމްޑ އަދި އެމްޑީއޭގެ މެންބަރުންގެ ތާއީދުވެސް ނުލިބޭނެކަމަށް އޭނާ ވިދާޅުވިއެވެ.
ޕީއެންސީގެ ޑެޕިއުޓީ ޕީޖީ ލީޑަރު މުޙައްމަދު އިސްމާޢިލް ވިދާޅުވެފައިވަނީ ދާޚިލީ ވަޒީރުގެ މައްޗަށް ޕާޓީގެ ފުރިހަމަ އިތުބާރު އޮތް ކަމަށެވެ. އަދި ރައީސުލްޖުމްހޫރިއްޔާގެ އިތުބާރު ވަޒީރުގެ މައްޗަށް އޮތްހާ ހިނދަކު މި މައްސަލަ ކުރިއަށް ގެންދަން ފުރުޞަތު ނުދެއްވާނެ ކަމަށްވެސް ޑެޕިއުޓީ ޕީޖީ ލީޑަރު ވިދާޅުވިއެވެ.
ދާޚިލީ ވުޒާރާއިން ބިދޭސީންގެ މައްސަލަ ހައްލުކުރުމަށް ކުރަމުންދާ މަސައްކަތްތައް ކާމިޔާބުކަމާއެކު ކުރިއަށްދާކަމަށް ގިނަ ބަޔަކު ޤަބޫލުކުރާ ކަމަށް ޕީއެންސީން ވަނީ ފާހަގަ ކޮށްފައެވެ. މީގެ އިތުރުން، ޤަވާއިދާ ޚިލާފު ބިދޭސީންގެ ވިޔަފާރިތައް ހުއްޓުވުމާއި، އެފަދަ ބިދޭސީން އަނބުރާ ފޮނުވާލުމުގެ މަސައްކަތް އިމިގްރޭޝަނުން ކާމިޔާބުކަމާއެކު ކުރިއަށްދާ ކަމަށްވެސް ބުންޏެވެ.
މަސްތުވާތަކެއްޗާއި ގޭންގު ކުށްތައް ހުއްޓުވުމަށް ޤާނޫނީ ބަދަލުތައް ގެނެސް، ތަންފީޒުކުރުމުގެ މަސައްކަތް ދާޚިލީ ވުޒާރާއިން ދަނީ ކުރަމުންނެވެ. އަދި ދާޚިލީ ވުޒާރާއަކީ ސަރުކާރުގެ ތަންފީޒީ އިދާރާތަކުގެ ބެލެނިވެރި ފަރާތްކަމަށްވެފައި، ވަޒީރު އިޙްސާން ރައީސުލްޖުމްހޫރިއްޔާގެ އިރުޝާދުގެ ދަށުން ގިނަ މަސައްކަތްތަކެއް ކުރައްވަމުން ގެންދަވާ ކަމަށްވެސް ޕީއެންސީން ފާހަގަކުރިއެވެ.
އިތުބާރު ނެތްކަމުގެ ވޯޓަކުން ވަޒީރު ވަކިކުރުމަށް ބޭނުންވާ މިންވަރަށް އެމްޑީޕީގެ މެންބަރުން މަޖިލީހުގައި ނެތްކަން ފާހަގަކުރެވެއެވެ. އެހެންކަމުން، މި މައްސަލަ ހުށަހެޅިއިރުވެސް ކާމިޔާބު ނުކުރެވޭނެކަން އެމްޑީޕީއަށް އެނގޭނެ ކަމަށް ޕީއެންސީން ވަނީ ބުނެފައެވެ.