ރާއްޖޭގެ ވައި ނުސާފުވުމާ ގުޅިގެން ރައްޔިތުންނަށް، ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ރައްކާތެރިވެތިވުމަށް އިލްތިމާސް ކޮށްފިއެވެ. މިގޮތުން ބޭރުގައި އުޅުން މަދު ކުރުމަށާއި ބޭރުގައި އުޅޭއިރު ރައްކާތެރި ކަމަށްޓަކައި މާސްކު އެޅުމަށް އެޗްޕީއޭއިން ވަނީ އާންމުންނަށް އިލްތިމާސް ކޮށްފައެވެ.
މާލެ ސަރަހައްދުގެ ވައިގެ ކޮލިޓީ ނުރައްކާތެރި މިންވަރަކަށް މަތިވެފައިވާ ކަމަށް ވިލިމާލޭގައި ހުންނަ އެއަރ ކޮލިޓީ މޮނިޓަރިންގ ސިސްޓަމުން ދައްކައެވެ. ވިލިމާލޭގައި ހުންނަ ގައުމީ ޔުނިވަރސިޓީގެ ސެންޓަރ ފޯ މެރިޓައިމް ސްޓަޑީސްގެ ކެމްޕަސް އިމާރާތުގައި ބަހައްޓާފައިވާ އެއަރ ކޮލިޓީ މޮނިޓަރިންގ ސިސްޓަމުން ދައްކާ ގޮތުން، މި ސަރަހައްދުގެ ވައިގެ ކޮލިޓީ މި ވަގުތު ހުރީ 156 ގައެވެ. އެއީ ސިއްޙަތަށް ވަރަށް ނުރައްކާތެރި މިންވަރެކެވެ.
މި ހާލަތުގައި ރައްކާތެރިކަން ކަށަވަރުކުރުމަށް އެޗްޕީއޭއިން ވަނީ އަންނަނިވި ކަންކަން ކުރުމަށް އިލްތިމާސް ކޮށްފައެވެ!
1. ފުއްޕާމޭގެ ބަލިތަކާއި ހިތުގެ ބަލި އަދި އެލަރޖީގެ މައްސަލަތައް ހުންނަ މީހުން ގެއިން ބޭރުގައި ގިނަ ވަގުތު ހޭދަނުކުރުން.
2. ބޭރަށް ނުކުންނަން ޖެހޭ ހާލަތްތަކުގައި ރައްކާތެރި މާސްކެއް އެޅުން.
3. ކުޑަކުދިންނާއި ދޮށީ އުމުރުގެ މީހުންނާއި މާބަނޑު މީހުން ބޭރުގައި ގިނަ ވަގުތު ހޭދަނުކުރުން.
4. ތުއްތު ކުދިން ބޭރަށް ނުނެރުން.
5. ގޭގެ ދޮރުތައް ލައްޕާފައި ބެހެއްޓުން.
6. ބޭރުގައި ކުޅިވަރު ކުޅުމާއި ކަސްރަތުކުރުން ކަހަލަ ކަންތައްތައް މަޑުޖައްސާލުން.
ކޮންމެ އަހަރެއްގެވެސް އިރުވައި މޫސުން ފެށިގެން އަންނައިރު ރާއްޖޭގެ އިރު އުތުރުން ވައި ޖެހެމުންދާތީ، ކޮންމެ އަހަރެއްގެވެސް މިމުއްދަތުގެ ތެރޭގައި ރާއްޖޭގެ ވައި ނުސާފުވުމުގެ މައްސަލަ ކުރިމަތިވެއެވެ. މޫސުމާބެހޭ ޤައުމީ އިދާރާއިން ވިދާޅުާރާއިން ވިދާޅުވެފައިވާ ގޮތުގައި މައިގަނޑުގޮތެއްގައި އިންޑިއާ ސަބްކޮންޓިނެންޓުން އަންނަ ހިރަފުސްދުން ރާއްޖެމައްޗަށް އަންނަކަމަށް ފާހަގަކުރެވެއެވެ. އަދި ކޮންމެ އަހަރެއްގެވެސް ޖެނުއަރީ އަދި ފެބްރުއަރީ މަހު ރާއްޖޭގެ ވައި ނުސާފުވާކަން ރިކޯޑުކުރެވޭކަމަށް އެ އިދާރާއިން ފާހަގަކުރައްވައެވެ.
ރާއްޖޭގެ ވައިގެ ކޮލިޓީ މިދުވަސްކޮޅު ދަށްވެފައިވަނީ ސިއްޙަތަށް ނުރައްކާ އޮތް މިންވަރަކަށްކަމުން، އެޗްޕީއޭއިން ވަނީ ފުއްޕާމޭގެ ބަލިތަކާއި ހިތުގެ ބަލި އަދި އެލަރޖީ މައްސަލަ ހުންނަ ފަރާތްތަކުން ގެއިން ބޭރުގައި ގިނަ ވަގުތު ހޭދަނުކުރުމަށް އެދިފައެވެ. ހަމައެއާއެކު ކުޑަކުދިންނާއި ދޮށީ އުމުރުގެ މީހުންނާއި މާބަނޑު މީހުންވެސް ބޭރުގައި ހޭދަކުރާވަގުތު މަދުކުރުމަށް ސަމާލުވުމަށް އެޗްޕީއޭއިން ވަނީ އިލްތިމާސްކުރައްވާފައެވެ.