“ވަން-ސްޓޮޕް އެޑްމިޝަން” ގެ ނަމުގައި، ދިވެހިރާއްޖޭގެ ޤައުމީ ޔުނިވާސިޓީ (އެމްއެންޔޫ)ގެ ފަރާތުން ވަނީ އެ ޔުނިވާސިޓީގެ ކޯސްތަކުގެ މަޢުލުމާތު ފޯރުކޮއްދިނުމަށް އަމާޒުކޮށް ތަފާތު ހަރަކާތްތަކެއް ބޭއްވުމަށް ތައްޔާރުވެފައެވެ.
މި ހަރަކާތްތަކުގެ ތެރޭގައި، ކެރިއަރ ގައިޑެންސް ފޯރުކޮއްދިނުމާއި، އެ ޔުނިވާސިޓީގެ ކޯސްތަކާއި ގުޅޭ މަޢުލުމާތު ހޯދުމުގެ އިތުރުން ވަގުތުން އެޕްލިކޭޝަން ފޯރމް ހުށަހެޅުމުގެ ފުރުޞަތު ވަނީ ހުޅުވާލެވިފައެވެ.
މީގެ އިތުރުން، އޭ ލެވެލް ފުރިހަމަކުރުމަށްފަހު މި އިވެންޓަށް ޒިޔާރާތްކުރާ ފަރާތްތަކުގެ ނަތީޖާއަށް ބެލުމަށްފަހު، ޝަރުތު ހަމަވާނަމަ އެދޭ ކޯހަށް ހޮވުނުކަމުގެ ލިޔުން ވަގުތުން ދިނުމަށް ވަނީ ހަމަޖެހިފައެވެ.
މި އިވެންޓް ކުރިއަށްގެންދިޔުމަށް ހަމަޖެހފައިވަނީ 21 ޖަނަވަރީ 2025 ވާ އަންގާރަ ދުވަހުގެ މެންދުރުފަހު 13:00 އިން ހަވީރު 16:00 އަށެވެ.