ޒަޔަނިސްޓު ޔަހޫދީންގެ ޖަލުތަކުގައި ހައްޔަރުކޮށް، ލާއިންސާނީ އަނިޔާތައް ދެމުންދިޔަ ފަލަސްޠީނުގެ 90 އަންހެނުންނާއި ކުޑަކުދިން މިއަދު މިނިވަންވުމުން، އެ މީހުންނަށް ހޫނު މަރުޙަބާއެއް ކިޔައިފިއެވެ. މި މީހުން މިނިވަންކޮށްފައިވަނީ ޣައްޒާގައި 15 މަސްދުވަހަށް ދެމިގެންދިޔަ ޔަހޫދީ ފައުޖުގެ ޢުދުވާނީ ޙަމަލާތައް މެދުކަނޑާލުމާ ގުޅިގެންނެވެ.
ޙަމާސް ޖަމާޢަތާއި ޔަހޫދީންނާ ދެމެދު ޖަނަވަރީ 19 ވަނަ ދުވަހު ވެވުނު ސުލްޙައިގެ އެއްބަސްވުމެއްގެ ދަށުން މި މީހުން މިނިވަންކޮށްފައިވަނީ ޙަމާސުން ރަހީނުކޮށްފައިވާ 3 އަސީރުންގެ ބަދަލުގައެވެ.
ޔަހޫދީންގެ ޖަލުތަކުން މިިނިވަންކުރި އަންހެނުންނާއި ކުޑަކުދިން ހިމެނޭ ފަލަސްޠީނުގެ 90 ޤައިދީންނަށް އުފާވެރި ހޫނު މަރުޙަބާއެއް
މިނިވަންކުރެވުނު މީހުންގެ ތެރޭގައި 69 އަންހެނުންައި 69 އަންހެނުންނާއި 21 ޒުވާނުން ހިމެނެއެވެ. އޭގެ ތެރެއިން އެންމެ ހަގު އުމުރުގެ ކުދިންނަކީ 12 އަހަރުގެ ކުދިންނެވެ.
މިނިވަންކުރެވުނު މީހުން ހުޅަނގު އައްސޭރީގެ ރާމަاللهއަށް ގެންދިޔުމާއެކު، އެތަކެއް ހާސް ބަޔަކު އުފާ ފާޅުކުރުމަށް މަގުމައްޗަށް ނުކުތެވެ. މީގެ ތެރޭގައި މިނިވަންކުރެވުނު މީހުންގެ ޢާއިލާތަކާއި ގާތްތިމާގެ މީހުންނާއި ރައްޓެހިން ހިމެނެއެވެ. އެ މީހުން ފަލަސްޠީނުގެ ދިދައާއި ޙަމާސް، ފަތުޙު އަދި އިސްލާމިކް ޖިހާދުގެ ދިދަތައް ވިހުރުވަމުން ދިޔައެވެ.
މިނިވަންކުރެވުނު މީހުންގެ ތެރޭގައި ޕޮޕިޔުލަރ ފްރަންޓް ފޯ ދަ ލިބަރޭޝަން އޮފް ޕަލެސްޓައިންގެ އިސް މެންބަރެއް ކަމަށްވާ 62 އަހަރުގެ ޚާލިދާ ޖައްރާރު އާއި ނޫސްވެރިޔާ ބުޝްރާ އަލް-ޠަވީލް ހިމެނެއެވެ.
ޔަހޫދީންގެ ޖަލުތަކުން މިިނިވަންކުރި އަންހެނުންނާއި ކުޑަކުދިން ހިމެނޭ ފަލަސްޠީނުގެ 90 ޤައިދީންނަށް އުފާވެރި ހޫނު މަރުޙަބާއެއް
ޙަމާސާއި ޔަހޫދީންނާ ދެމެދު ވެފައިވާ އެއްބަސްވުމުގެ ދަށުން 1,000 އާއި 2,000 އާ ދެމެދުގެ އަދަދެއްގެ ފަލަސްޠީނު ރައްޔިތުން މިނިވަންކުރެވޭނެ ކަމަށް ބެލެވެއެވެ. އެއްބަސްވުމުގެ ދެވަނަ މަރުޙަލާއާ ގުޅޭ މަޝްވަރާތައް ދެ ހަފްތާއެއްހާ ދުވަސް ފަހުން ފެށުމަށް ވަނީ ތާވަލުކުރެވިފައެވެ.
ޣައްޒާގައި ހިނގަމުންދާ ޢުދުވާނީ ޙަމަލާތަކުގައި މިހާތަނަށް 46,913 މީހުން ޝަހީދުވެފައިވާއިރު، އޭގެ ތެރޭގައި 17,000 އެއްހާ ކުޑަކުދިން ހިމެނެއެވެ.
ޔަހޫދީންގެ ޖަލުތަކުން މިިނިވަންކުރި އަންހެނުންނާއި ކުޑަކުދިން ހިމެނޭ ފަލަސްޠީނުގެ 90 ޤައިދީންނަށް އުފާވެރި ހޫނު މަރުޙަބާއެއް
އަދި 110,750 މީހުން ޒަޚަމްވެފައިވާ ކަމަށް ޣައްޒާގެ އޮފިޝަލުން މަޢުލޫމާތު ދެއެވެ.