ހެޑްލައިން: އެމެރަލްޑް މޯލްޑިވްސްގެ ބިދޭސީން މަޑުއްވަރީއަށް ދިޔަ މައްސަލަ އިމިގްރޭޝަނުން ބަލަނީ
އެމެރަލްޑް މޯލްޑިވްސް ރިސޯޓުގައި މަސައްކަތްކުރަމުންދިޔަ ބިދޭސީންތަކެއް ގަވާއިދާ ޚިލާފަށް ރ. އަތޮޅު މަޑުއްވަރީއަށް ދިޔަ މައްސަލަ ބަލަމުންދާ ކަމަށް އިމިގްރޭޝަނުން ބުނެފިއެވެ.
މަޑުއްވަރީ ކައުންސިލު ރައީސް ވިދާޅުވެފައިފަނީ އެމެރަލްޑް މޯލްޑިވްސްގެ ބިދޭސީ މުވައްޒަފުން މަޑުއްވަރީއަށް ގޮސްފައިވަނީ، އިމިގްރޭޝަން ވޮޗުން، ގަވާއިދާ ހިލާފަށް އުޅޭ ބިދޭސީން ހޯދުމަށް އެ ރިސޯޓަށް ދާ ކަމަށް ބުނެ ލިބުނު ދޮގު މަޢުލޫމާތު ދިނުމާ ގުޅިގެންނެވެ. ނަމަވެސް، އިމިގްރޭޝަނުން ވަނީ އެ ރިސޯޓަށް ގޮސްފައި ނުވާކަން ކަށަވަރުކޮށްދީފައެވެ.
ހުވަދޫމީޑީއާ އަށް މައުލޫތު ދެއްވަމުން، މަޑުއްވަރީ ކައުންސިލްގެ ރައީސް މުޙައްމަދު ޞާދިޤު ވިދާޅުވީ، ގަވާއިދާ ޚިލާފަށް ބިދޭސީންތަކެއް މަޑުއްވަރީއަށް އައުމާ ގުޅިގެން، ފުލުހުންނާ ގުޅިގެން އެ މީހުންގެ މަޢުލޫމާތު އެއްކުރުމަށްފަހު އަނބުރާ ރިސޯޓަށް ފޮނުވާލާފައިވާ ކަމަށެވެ. އެގޮތުން ރަށަށް އެރިކަމަށް ބެލެވޭ 60 މީހުންގެ ތެރެއިން 40 މީހެއްގެ މަޢުލޫމާތު އެއްކޮށްފައިވާއިރު، ބާކީ ތިބި މީހުން އޭގެކުރިން ރަށުން ގޮސްފައިވާ ކަމަށް ކައުންސިލުން މަޢުލޫމާތު ދެއްވިއެވެ.
މޯލްޑިވްސް އިމިގްރޭޝަނުން ބުނީ މި މައްސަލަ އެ އިދާރާގެ ސަމާލުކަމަށް އައިސްފައިވާ ކަމަށާއި، ދިވެހި ފުލުހުންގެ ޚިދުމަތާ ގުޅިގެން މައްސަލަ ބަލަމުންދާ ކަމަށެވެ.
މި މައްސަލަ ދިމާވެފައިވަނީ ރާއްޖޭގައި ގަވާއިދާ ޚިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ކުރިއަށްގެންދާ "އޮޕަރޭޝަން ކުރަނގި" ގެ ނަމުގައި ޚާއްސަ އޮޕަރޭޝަނެއް ހިންގަމުންދާ ދަނޑިވަޅެއްގައެވެ. މި މަޝްރޫޢުގެ ދަށުން މަޑުއްވަރީގައި ތިބި ހުރިހާ ބިދޭސީންގެ މަޢުލޫމާތު އެއްކޮށްފައިވާ ކަމަށާއި، އެގޮތުން އެ ރަށުގައި ތިބި 130 ބިދޭސީންގެ ބަޔޯމެޓްރިކްސް ނަގާފައިވާ ކަމަށް ކައުންސިލުން މަޢުލޫމާތު ދެއްވިއެވެ.
ދާޚިލީ ސަލާމަތާއި ފަންނިއްޔާތާ ބެހޭ ވުޒާރާއިން ބުނެފައިވާ ގޮތުގައި، ކުރަނގި އޮޕަރޭޝަންގެ ދަށުން މިހާތަނަށް 25,000 އަށްވުރެ ގިނަ ބިދޭސީންގެ މަޢުލޫމާތު ނަގާފައިވެއެވެ.