ނޭޝަނަލް ސެންޓާ ފޯ ދި އާޓްސް (އެން.ސީ.އޭ) އިން ބާއްވާ އޮފީސްތަކުގެ ޑްރާމާ މުބާރާތުގައި ބައިވެރިވުމަށް އެދޭ މުއްދަތު އިތުރުކޮށްފިއެވެ.
މި މުބާރާތުގައި އަބަދުވެސް ގިނަ ބަޔަކު އިންތިޒާރުކުރާ މުބާރާތެކެވެ. ފަސް އަހަރުގެ މެދުކެނޑުމަކަށް ފަހު އޮފީސް ޓެލެޑްރާމާ މުބާރާތް އަލުން ބާއްވާފައިވަނީ މިދިޔަ އަހަރުއެވެ.
މި މުބާރާތަކީ މުނިފޫހިފިލުވުމުގެ ދާއިރާއަށް ފަންނާނުން އިތުރުކޮށް، ފަންނުވެރީންނަށް ހިތްވަރުދީ، އަގުވަޒަންކޮށް، އެކުވެރި ވާދަވެރި މަހައުލެއްގައި ފަންނުވެރިކަން ތަރައްގީކޮށް ދެމެހެއްޓުމުގެ މަގްސަދުގައި ބާއްވަމުން އަންނަ މުބާރާތެކެވެ.
މި މުބާރާތުގައި ބައިވެރިވެވޭނީ ސަރުކާރު އޮފީސްތަކާއި މިނިވަން މުވައްސަސާތަކާއި ސަރުކާރު ހިއްސާވާ ކުންފުނިތަކުގެ އިތުރުން ރަށު ކައުންސިލްތަކާއި އަތޮޅު ކައުންސިލްތަކުގެ އިތުރުން ސިޓީ ކައުންސިލްތަކަށެވެ.
މިމުބާރާތުގެ ބައިވެރިވުމަށް ޝައުގުވެރިވާ ފަރާތްތަކަށް މި މަހުގެ 26ވާ އާދިއްތަ ދުވަހުގެ 13:30ގެ ނިޔަލަށް ފޯމް ހުށަހެޅުމުގެ ފުރުސަތު ވަނީ ހުޅުވައިލާފައެވެ.
މި މުބާރާތުގައި ބައިވެރިވުމަށް އެދޭ ފޯމް އެންސީއޭ އިން ލިބޭނެއެވެ. އަދި ވެބްސައިޓުން ވެސް ޑައުންލޯޑް ކުރެއްވޭނެއެވެ.