ރާއްޖޭގައި ފުޅާ ދާއިރާއެއްގައި ވިޔަފާރި ކުރަމުން އަންނަ ސަމަންގެ މާސިންގާ ސުޕަމާކެޓެއް ހުޅުމާލޭގެ ދެވަނަ ފިޔަވަހީގައި ރޭ ހުޅުވައިފިއެވެ. މިއީ ދެމަސްދުވަހުގެ އިންތިޒާރަކަށް އައި އުފާވެރި ނިމުމެކެވެ.
"ސުޕަމާކެޓް ބައި ސަމަން" ގެ ނަމުގައި ހުޅުވާި ހުޅުވާފައިވާ މި ބޮޑު ސުޕަމާކެޓް ހުންނަނީ ވިނަރެސް ފްލެޓު 3 ގައެވެ.
ރޭ ބޭއްވުނު ރަސްމިއްޔާތެއްގައި މި ސުޕަމާކެޓް ހުޅުވައިދެއްވީ މާލެ ސިޓީގެ މޭޔަރު އާދަމް އާޒިމެވެ. މި ސުޕަމާކެޓް ހުޅުވުމާ ގުޅިގެން ބޭއްވުމަށް ހަމަޖެހިފައިވާ މިއުޒިކް ޝޯއާއި ހަވާ އެރުވުމުގެ ހަރަކާތްތައް މޫސުން ގޯސްވުމުގެ ސަބަބުން ވަނީ ފަސްކޮށްފައެވެ.
ދެ މަސްދުވަހުގެ އިންތިޒާރަކަށްފަހު ހުޅުވުނު މި ސުޕަމާކެޓަކީ ކަސްޓަމަރުންނަށް ކަމުދާނެ ޒަމާނީ ސިފަތަކާއި ބޮޑެތި ލުއިތަކާއެކު ހުޅުވާފައިވާ ތަނެކެވެ.
ސުޕަމާޓް ބައި ސަމަން – ސަމަން ގްރޫޕުގެ އެންމެ ބޮޑު ފިހާރަ ހުޅުމާލޭގައި ހުޅުވުން / ފޮޓޯ:ދައުރު
މި ސުޕަމާކެޓްގެ މައިގަނޑު ތިން އަސާސަކީ "ޗީޕް"، "ޗޮއިސަސް" އަދި "ކޮންވީނިއެންޓް" އެވެ. އެއީ އަގުހެޔޮކޮށް، ގިނަ ބާވަތްތަކުގެ މުދާ ހިތްހަމަޖެހޭ މާޙައުލެއްގައި ފަސޭހައިން ގަނެވޭނެ ގޮތް ހަމަޖައްސައިދިނުމެވެ.
ދެ ފަންގިފިލާއަށް ހުންނަ މި ސުޕަމާކެޓްގެ ގްރައުންޑް ފްލޯއިން ކާނާގެ އެކި ބާވަތްތައް ލިބެން ހުންނައިރު، މަތީ ފްލޯއިން ރީތިވުމާއި ގޭތެރެ ޒީނަތްތެރިކުރުމަށް ބޭނުންވާ ސާމާނު ލިބެން ހުންނާނެއެވެ. މި ސުޕަމާކެޓްގައި ސްމާޓް ޓެކްނޮލޮޖީ ބޭނުންކޮށްފައިވާކަން ފާހަގަކޮށްލެވެއެވެ. އޭގެ ތެރޭގައި ފޭސް ރެކޮގްނައިޒޭޝަން ފީޗާ ހިމެނޭ ލޮކަރު ސިސްޓަމާއި، ޕްރޮޑަކްޓްތައް ފެންނަ ގޮތަށް ހަރުކޮށްފައިވާ ޓީވީތައް ހިމެނެއެވެ.
ސުޕަމާޓް ބައި ސަމަން – ސަމަން ގްރޫޕުގެ އެންމެ ބޮޑު ފިހާރަ ހުޅުމާލޭގައި ހުޅުވުން / ފޮޓޯ:ދައުރު
ކުރާހިތުން ވިޔަފާރި ކޮށްލުމަށް ސަމަންގެ މި އައު ސުޕަމާކެޓު ހިޔާރު ކުރުން ޔަގީނުންވެސް ބުއްދިވެރިވާނެއެވެ. ހަމައެހެންމެ މިއީ ފޭސްދޭއްގައި ދިރިއުޅެމުންދާ ރައްޔިތުންނަށް ލިބިގެންދިޔަ ވަރަށްވެސް ބޮޑު އުފަލަކަށް ވާނެއެވެ. ރޭގައި މި ސުޕަމާކެޓު ހުޅުވުމާއެކު ތަނަށް ވިިޔަފާރިކުރުމަށާއި ބަލާލުމަށް ވަން މީހުން އޮތީ މުޅި މާކެޓުގެ އެކިބައިތައް ފުރާލާފައެވެ. މިއީ ކާމިޔާބު ވިޔަފާރިއެއްގެ ފެށުންކަން ބުނެދޭ މަންޒަރެކެވެ.