ދިވެހީންގެ އުފެއްދުންތެރިކަމުގެ މައުރަޒުގެ ވާދަކުރުމުގެ ބައިގައި މަސްވެރިކަމުގެ ދާއިރާއިން 4 ގިންތިއަކަށް ކުރިމަތިލުމުގެ ފުރުސަތު އިޤުތިޞާދީ ތަރައްގީއާއި ވިޔަފާރިއާ ބެހޭ ވުޒާރާއިން ހުޅުވާލައިފިއެވެ.
ރާއްޖޭގެ އުފެއްދުންތެރިކަން އިތުރުކޮށް ވިޔަފާރި ފުޅާ ކުރުމުގެ މަގްސަދުގައި ބާއްވާ މި މައުރަޒު އޮންނާނީ މެއި މަހުގެ 23 އިން 31 އަށް ހުޅުމާލޭގައެވެ.
މި މައުރަޒުގައި މަސްވެރިކަމުގެ ދާއިރާއިން ވާދަކުރެވޭނެ 4 ގިންތިއަކީ:
- މަހުގެ އުފެއްދުން (ވެލިއު އެޑިޝަން)،
- މަސްވެރިކަމުގެ ދާއިރާގެ އާ އުފެއްދުން،
- އާލާތް (މެޝިނަރީ / ޓޫލްސް،
- މަސްވެރިކަމުގެ އެހެނިހެން އުފެއްދުންތައް.
އިޤުތިޞާދީ ވުޒާރާއިން މަޢުލޫމާތު ދެއްވިގޮތުގައި މި މައުރަޒުގައި ޖުމްލަ 81 ގިންތިއަކުން ވާދަކުރެވޭނެއެވެ. އަދި އަމިއްލަ ފަރުދުންނާއި، ކުންފުނިތަކާއި ވިޔަފާރިތަކާއި، ރަށްތަކާއި ސިޓީތަކުގެ އިތުރުން ތައުލީމު ދޭ މަރުކަޒުތަކާއި ހާއްސަ އެ ހާއްސަ އެހީއަށް ބޭނުންވާ ފަރާތްތަކަށް ބައިވެރިވެވޭނެއެވެ. ބައިވެރިވާން ބޭނުންވާ ފަރާތްތަކަށް ވެބްސައިޓް މެދުވެރިކޮށް ރަޖިސްޓަރީ ކުރެވޭނެއެވެ.
ދިވެހީންގެ އުފެއްދުންތެރިކަމުގެ މައުރަޒުގެ ވާދަކުރުމުގެ ބައިގައި މަސްވެރިކަމުގެ ދާއިރާއިން 4 ގިންތިއަކަށް ކުރިމަތިލުމުގެ ފުރުސަތު
މައުރަޒުގައި ވާދަކުރުމުގެ ބައިގެ އިތުރުން، ކްރިއޭޓިވް އިކޮނޮމީ ޑިސްޓްރިކްޓަކާއި، ޑިޖިޓަލް އެންޑް އިނޮވޭޓިވް ޑިސްޓްރިކްޓަކާއި، އެންޓެޓެއިންމަންޓް ޑިސްޓްރިކްޓަކާއި އަދި މާކެޓްޕްލޭސް ޑިސްޓްރިކްޓެއް ހިމެނޭނެއެވެ. އަދި އާ އީޖާދުތައް އުފެއްދުމަށް ހިތްވަރު ދިނުމުގެ ގޮތުން، ރިސާޗް ގްރާންޓް ފަންޑުން އެހީތެރިކަން ފޯރުކޮށްދޭނެ ކަމަށް ވުޒާރާއިން ބުނެފައިވެއެވެ.
މީގެ އިތުރުން، ބައިނަލްއަޤްވާމީ ބައިވެރިންނަށްވެސް މައުރަޒުގައި ބައިވެރިވުމުގެ ފުރުސަތު ދޭން ނިންމާފައިވާކަމަށް ވުޒާރާއިން ހާމަކޮށްފައިވެއެވެ. މިކަމުގެ ސަބަބުން އެކި ޤައުމުތަކުގެ އީޖާދީ މަސައްކަތްތައް ދިވެހިންނަށް ބަލައިލުމުގެ ފުރުސަތު ލިބިގެންދާނެއެވެ.