ފަތިސްތަރި މިއަދު ގެނެސްދެނީ ބަނޑުގައި ވައިހެދި ފުފިފައި ހުރުމުން ސަލާމަތްވުމަށް ގޭގައި ތައްޔާރުކުރެވިދާނެ ޔަގީންކަންބޮޑު ޤުދުރަތީ ފަރުވާއެކެވެ!
ބަނޑުގައި ވައިހެދި ފުފިފައި ހުރުމަކީ މިހާރުގެ ދުނިޔޭގައި ވަރަށް ގިނަ ބަޔަކު ކުރިމަތިލާންޖެހިފައިވާ ޞިއްޙީ މައްސަލައެކެވެ. ދިވެހިންގެ ތެރޭގައި ވެސް މިމައްސަލަ ދިމާވަ މީހުން ގިނައެވެ. މި މައްސަލައަކީ އިންސާނާގެ ދުޅަހެޔޮ ދިރިއުޅުމަށް ނޭދެވޭ އަސަރުތަކެއް ކުރުވާ، އަދި އެކަށީގެންވާ ސަމާލުކަމެއް ނުދެވިއްޖެނަމަ ނުރައްކާތެރި ނަތީޖާތަކަކާ ކުރިމަތިލާން ޖެހިދާނެ މައްސަލައެކެވެ.
ބަނޑުގައި ވައިހެދުމުގެ މައްސަލައިގެ ސަބަބުތައް؛
ބަނޑުގައި ވައިހެދުމުގެ މައްސަލަ ކުރިމަތިވަނީ ގިނަފަހަރު ކެއުމުގެ އާދަތަކާއި، ދިރިއުޅުމުގެ ވައްޓަފާޅީގެ ސަބަބުންނެވެ. ނުބައިކޮށް ކާތަކެތި ބޭނުންކުރުމާއި، އަވަސްއަވަހަށް ކެއުމާއި، ފެން މަދުން ބުއިމަކީވެސް މިފަދަ މައްސަލަތައް ދިމާވުމަށް މަގުފަހިވާ ކަންކަމެވެ.
ބަނޑުގައި ވައިހެދުންފަދަ ކަންކަމަށް، ފަރުވާކުޑަކޮށްފިނަމަ، ނުރައްކާތެރި ނަތީޖާތަކަކާ ކުރިމަތިލާން ޖެހިދާނެ / ފޮޓޯ: އައިސްޓޮކް
ޤުދުރަތީ ފަރުވާގެ މުހިންމުކަން؛
މި މައްސަލައަށް ޤުދުރަތީ ފަރުވާ ހޯދުމަކީ ޞިއްޙީ މާހިރުން އެންމެ އިސްކަންދޭ ކަމެކެވެ. ޚާއްޞަކޮށް ލުނބޯ އަދި ލޮނުމެދު ފަދަ ޤުދުރަތީ ބޭސްތަކަކީ މި މައްސަލައަށް ޒަމާނުއްސުރެ ބޭނުންކުރަމުން އަންނަ ވަރަށް ފައިދާހުރި ފަރުވާއެކެވެ.
މިބުއިން ތައްޔާރުކުރާނެ ގޮތް؛
ބަނޑުގައި ވައިހެދި ފުފިފައި ހުރުމުގެ މައްސަލައަށް ވަރަށް ފަސޭހައިން ގޭގައި ތައްޔާރުކުރެވޭ ބުއިމެއް، ގެނެސްދޭނަމެވެ.
ބޭނުންވާ ތަކެތި:
- 3 ލުނބޯ (ފޮތިކޮށް ކޮށާފައި، ތޮށްޓާއެކު)
- 3 ލޮނުމެދު (ޗަސްކޮށްފައި)
- ވާޖިން އޮލިވް އޮއިލް (500 އެމްއެލް)
- މާމުއި (5 މޭޒުމަތީ ސަމުސާ)
- ބިއްލޫރި ފުޅި އެއް
ތައްޔާރުކުރާނެ ގޮތް
- ޗަސްކޮށްފައިވާ ލޮނުމެދާއި ލުނބޯ ފުޅިއަށް އަޅާށެވެ.
- މާމުއި އެއަށް އިތުރުކުރާށެވެ.
- ވާޖިން އޮއިލް ފުޅީގެ އެއްބައި އަޅާށެވެ.
- ހުރިހާ އެއްޗެއް ރަނގަޅަށް އެއްކޮށްލާށެވެ.
ބަނޑުގައި ވައިހެދުންފަދަ ކަންކަމަށް، ފަރުވާކުޑަކޮށްފިނަމަ، ނުރައްކާތެރި ނަތީޖާތަކަކާ ކުރިމަތިލާން ޖެހިދާނެ / ފޮޓޯ: އައިސްޓޮކް
ބޭނުންކުރާނެ ގޮތް
މި ބުއިން 12 ގަޑިއިރު މެރިނޭޓް ކުރުމަށްފަހު، ދުވާލަކު ދެފަހަރު ސަމުސަލެއްގެ މިންވަރުން ބޭނުންކުރާށެވެ. މި ބުއިން ފިނިތަނެއްގައި ރައްކާކޮށްފައި ބެހެއްޓިދާނެއެވެ. ނަމަވެސް ސީދާ އަވީގައި ބެހެއްޓުމުން ދުރުހެލިވާންވާނެއެވެ.
މި ފަރުވާއާއެކު ރަނގަޅު ނަތީޖާއެއް ހާސިލުކުރުމަށް، އިތުރު ސަމާލުކަން ދޭންވީ ކަންކަން:
- ގަވާއިދުން ފެންބުއިން އިތުރުކުރުން
- ކެއުމުގެ އާދަތައް ރަނގަޅުކުރުން
- ގަވާއިދުން ކަސްރަތުކުރުން
- ނިދުމުގެ އާދަތައް ހަރުދަނާކުރުން، މިއީ ހައްތަހާ ވެސް ފުރަމޭ ގައި ސަރުބީ ޖެހުމާއި ބަނޑުގައި ވައިހެދި ބަނޑު ފުފިފައި ހުރުމަށް މަގުފަހި ކުރުވާ ނޭދެވޭ އަދަދަކުން ދުރުވާން ކުރަން ޖެހޭ ކަންތައްތަކެކެވެ.
މި ފަރުވާއަކީ ގިނަ ބައެއްގެ ތަޖުރިބާއިން ސާބިތުވެފައިވާ ރަނގަޅު ނަތީޖާ ލިބޭ ފަރުވާއެކެވެ.
ނަމަވެސް، އެއްވެސް ބާވަތެއްގެ އެލަރޖީއެއް ހުރި ފަރާތްތަކުން މި ފަރުވާ ފެށުމުގެ ކުރިން ޞިއްޙީ މާހިރެއްގެ ލަފާ ހޯދުން މުހިންމެވެ.