ޙާފިޡްކަމުގެ ސަނަދު އަލަށް ހާސިލްކުރި އަލްޙާފިޡު ޒަލަފް ބިން ނާފިޢާ، އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ބައްދަލުކުރައްވައިފިއެވެ.
މި ބައްދަލުކުރެއްވުން އޮތީ މިއަދު އިސްލާމީ ކަންތައްތަކާ ބެހޭ ވުޒާރާގައެވެ. މި ބައްދަލުކުރެއްވުމުގައި ވަޒީރު ވަނީ އަލްޙާފިޡު ޒަލަފް ހޯދެއްވި ކާމިޔާބީއަށް މަރުޙަބާ ވިދާޅުވެ، ޤުރުއާނުގެ ރޮނގުން ކުރިއަށްދާން ހިތްވަރުދެއްވައި ނަސޭޙަތްތެރިވެވަޑައިގެންފައެވެ.
އަރިއަތޮޅު ދެކުނުބުރީ މަހިބަދުވަށް އުފަން އަލްޙާފިޡު ޒަލަފް ބިން ނާފިޢު، ޙާފިޡުކަމުގެ ސަނަދު ހާސިލުކުރީ 2025 ޖަނަވަރީ 12ގައެވެ.
ޙާފިޡުކަމުގެ ސަނަދު ޒަލަފު ހާސިލުކޮށްފައިވަނީ ޤުރުއާނާ ބެހޭ މަރުކަޒުގެ ޙިފްޡު ކޮމިޓީއަށް 15 ދުވަހުގެ ތެރޭ ޤުރުއާން ނުބަލައި ކިޔައިދީ އެއްވަނަ ދަރަޖައިގައި ފާސްވެގެންނެވެ