ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް) މިއަދުން ފެށިގެން އުވާލައިފިއެވެ. މިކަން ނިންމާފައިވަނީ އިލެކްޝަންސް ކޮމިޝަނުންނެވެ.
އިލެކްޝަންސް ކޮމިޝަނުން މިކަން ނިންމާފައިވަނީ ސިޔާސީ ޕާޓީގެ ޤާނޫނުގެ 30 ވަނަ މާއްދާގެ (ހ)ގެ 2 ވަނަ ނަންބަރުގައިވާ ގޮތުގެމަތިންނެވެ. އެގޮތުން ޕީޕީއެމް އުވާލުމަށް އެ ޕާޓީގެ ސެނެޓުން ނިންމައި، ފުރިހަމަ ކުރަންޖެހޭ ކަންކަން ފުރިހަމަކޮށް ކޮމިޝަނަށް ހުށަހެޅުމާ ގުޅިގެން، ޕީޕީއެމް ސިޔާސީ ޕާޓީގެ ދަފްތަރުން އުނިކުރުމަށް ވަނީ ނިންމާފައެވެ.
ޕީޕީއެމް އުވާލުމަށް އެ ޕާޓީގެ ސެނެޓުން ނިންމާފައިވަނީ މިދިޔަ ޑިސެމްބަރު 2 ވަނަ ދުވަހު ބޭއްވި ބައްދަލުވުމެއްގައެވެ. މި ނިންމުން ފާސްކޮށްފައިވަނީ އެ ބައްދަލުވުމުގައި ބައިވެރިވި 42 ސެނެޓަރުންގެ އިއްތިފާގުންނެވެ.
ޕީޕީއެމްއަކީ ކުރީގެ ރައީސް އަބްދުﷲ ޔާމީން އަބްދުލްގައްޔޫމް އުފެއްދެވި ޕާޓީއެކެވެ. މި ޕާޓީ އުވާލުމާއެކު، މިހާރު ރާއްޖޭގައި ރަޖިސްޓްރީކޮށްފައިވާ ސިޔާސީ ޕާޓީތަކުގެ އަދަދު ވަނީ މަދުވެފައެވެ.