ކުރިއަށް އޮތް ރަމަޟާން މަހު ރެސްޓޯރެންޓްތަކާއި ކެފޭތައް ހުޅުވާ ގަޑިތައް މިނިސްޓްރީ އޮފް އިކޮނޮމިކް ޑިވެލޮޕްމަންޓުން މިއަދު އިއުލާނުކޮށްފިއެވެ. މި ގަވާއިދަކީ ރާއްޖޭގައި މީހުން ދިރިއުޅޭ ހުރިހާ ރަށެއްގައި ހިންގާ ކެއިންބުއިމުގެ ޚިދުމަތްދޭ އެންމެހާ ތަންތަނަށް ހިނގާނެ ގަވާއިދެކެވެ.
މިނިސްޓްރީން ނެރުނު އިއުލާނުގައިވާ ގޮތުން، ރޯދަ މަހުގެ ރޭތަކުގައި ކެއިންބުއިމުގެ ޚިދުމަތްދޭ ތަންތަން ހުޅުވާފައި ބަހައްޓަން ޖެހޭނީ ހަވީރު 5:30 އިން ފެށިގެން މެންދަމު 3:00 އާ ހަމައަށެވެ. މި ގަޑިތަކަކީ ރޯދަވީއްލުމާއި ތަރާވީޙު ނަމާދަށް ފަހު ކެއުމުގެ ޚިދުމަތް ފޯރުކޮށްދިނުމަށް ކަނޑައަޅާފައިވާ ގަޑިތަކެވެ.
އަދި ޝައްވާލް މަހުގެ ފުރަތަމަ 7 ދުވަހުގައި، އެބަހީ ޢީދު ދުވަސްތަކުގައި، ކެއިންބުއިމުގެ ޚިދުމަތްދޭ ތަންތަން ހުޅުވާފައި ބެހެއްޓޭނީ ފަތިހު 4:30 އިން ފެށިގެން މެންދަމު 3:00 އާ ހަމައަށެވެ. މިއީ ޢީދު ދުވަސްތަކުގައި ރައްޔިތުންނަށް ފަސޭހަވާނެ ގޮތަށް ކަނޑައަޅާފައިވާ ގަޑިތަކެކެވެ.
މި އައު ގަވާއިދަށް އަމަލުކުރަން ފަށާނީ ކުރިއަށް އޮތް ރަމަޟާން މަހުން ފެށިގެންނެވެ. މިނިސްޓްރީން ވަނީ ހުރިހާ ރެސްޓޯރެންޓްތަކާއި ކެފޭތަކުން މި ގަވާއިދަށް ފުރިހަމައަށް އަމަލުކުރުމަށް އިލްތިމާސްކޮށްފައެވެ.