ސަރުކާރު އަދި ސަރުކާރު ހިއްސާވާ ކުންފުނިތަކުގެ މުވައްޒަފުންނަށް ރޯދަމަހުގެ އިނާޔަތް ފިޔަވައި އެހެން އެއްވެސް ހަދިޔާއެއް ނުދިނުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން ވަނީ އަންގާފައެވެ.
މިއަހަރުގެ ރޯދަމަސް ފެށުމަށް ހަމަޖެހިފައިވާ މާރިޗު 1 ވަނަ ދުވަހުގެ ކުރިން، ސަރުކާރުގެ މުވައްޒަފުންނަށް ރޯދަމަހުގެ އިނާޔަތުގެ ގޮތުގައި 3،000 ރުފިޔާ ދޫކުރަންޖެހެއެވެ. މި އިނާޔަތް ދޫކުރަންޖެހޭނީ ރަމަޟާން މަހުގެ 20 ވަނަ ދުވަހުގެ ކުރިންނެވެ.
ޕީސީބީން ނެރުނު އެންގުމުގައި ބަޔާންކޮށްފައިވާ ގޮތުން، ޕޭ ލީވް އަދި ނޯ ޕޭ ލީވްގައި ތިބޭ މުވައްޒަފުންނަށް ރޯދަމަހުގެ އިނާޔަތް ނުދެވޭނެއެވެ. ނަމަވެސް މި މުވައްޒަފުން ވަޒީފާއަށް ނުކުމެއްޖެނަމަ، އެ ދުވަހުން ފެށިގެން އިނާޔަތް ދޭންޖެހޭނެއެވެ.
އަދި ސަރުކާރު ހިއްސާވާ ކުންފުނިތަކުގެ ނޮން-އެގްޒެކެޓިވް ޑިރެކްޓަރުންނަށް ރޯދަ އެލަވަންސް ދިނުން ލާޒިމެއް ނޫންކަމަށް ޕީސީބީން ވަނީ ސާފުކޮށް ބަޔާންކޮށްފައެވެ.
މީގެ ކުރިން ބައެއް ސަރުކާރު އޮފީސްތަކުން ރޯދަމަހާ ގުޅިގެން އެކި ބާވަތުގެ ހަދިޔާތައް މުވައްޒަފުންނަށް ދެމުން އައި ނަމަވެސް، މިއަހަރު އެފަދަ ހަދިޔާތައް ދިނުން ވަނީ މަނާ ކޮށްފައެވެ.