ދިވެހި ރައްޔިތުންނަށް ހިޔާވަހިކަން ކަށަވަރުކޮށްދީ، އުފާފާގަތިކަން އިތުރު ކޮށްދިނުމަށް ސަރުކާރުން ފަށާފައިވާ މަސައްކަތް ދުވަހަކަށްވުރެ ދުވަހެއް ހަލުވި ކުރައްވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ދިވެހި ރައްޔިތުންނަށް ހިޔާވަހިކަން ކަށަވަރުކޮށްދީ، އުފާފާގަތިކަން އިތުރު ކޮށްދިނުމަށް ސަރުކާރުން ފަށާފައިވާ މަސައްކަތް ދުވަހަކަށްވުރެ ދުވަހެއް ހަލުވިކުރައްވާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
1446ވަނަ އަހަރުގެ ބަރަކާތްތެރި ރަމަޟާން މަސް ފެށުމުގެ ތަހުނިޔާއާއި ހެޔޮ އެދުންތައް ރައްޔިތުންނަށް އަރިސްކުރައްވައި ފޮނުއްވި ޚިޠާބުގައި ރައީސް ވިދާޅުވީ، “ދިވެހި ރައްޔިތުންނަށް ހިޔާވަހިކަން ކަށަވަރުކޮށްދީ، ދިރިއުޅުމުގެ މުހުތާދުތައް ފުއްދައިދީ، އުފާފާގަތިކަން އިތުރު ކޮށްދިނުމަށް ސަރުކާރުން ފަށާފައިވަނީ އިޚްލާޞްތެރި މަސައްކަތެއް” ކަމަށެވެ.
މީގެ 898 އަހަރު ކުރީން ރާއްޖެ އިސްލާމްވީއްސުރެ، ރަމަޟާން މަހަކީ ދިވެހީންގެ ހިތްތަކުގައި ޚާއްޞަ ޤަދަރެއް ދެވިފައިވާ މަހެއްކަން ފާހަގަކުރައްވައި، މި ބަރަކާތްތެރި މަހާއި ބައްދަލުވުމަށް ދިވެހީން ވަމުންދާ ތައްޔާރީތަކާއި އެ މަހުގައި ދިވެހީން ހިފަހައްޓާ ރިވެތި އާދަކާދަތަކާއި ހަމަތައް ދިވެހިވަންތަ ސަގާފަތުގެ މުއްސަނދިކަން އިތުރުކޮށްދޭކަން ރައީސް ވަނީ ފާހަގަކުރައްވާފައެވެ.
ރައީސް ވެރިކަމާ ހަވާލުވެވަޑައިގަތް ފަހުން، ރައްޔިތުންނަށް ފަސޭހަކޮށްދިނުމަށް ޚާއްސަ އިސްކަމެއް ދެއްވައި، އެގޮތުން ރޯދަމަހު ރައްޔިތުން އުފުލަންޖެހޭ ތަކުލީފުތައް ކުޑަކުރެއްވުމަށް އިޤްތިޞާދީ، އިޖްތިމާޢީ އަދި ދީނީ ގޮތުން ފަހި ފައިދާހުރި ގިނަ މަސައްކަތްތަކެއް ކުރައްވަމުން ގެންދަވައެވެ. މީގެ ތެރޭގައި މިދިޔަ އަހަރުއްސުރެ ރޯދަމަހުގެ ފަހު 10 ދުވަހު ސަރުކާރުގެ އޮފީސްތައް ބަންދުކުރެއްވުމާއި، ރޯދަމަހުގެ ކަރަންޓު ބިލާއި ފެންބިލުން ޑިސްކައުންޓް ދެއްވުން ހިމެނެއެވެ. އަދި އެމަސައްކަތް ދުވަހަކަށްވުރެ ދުވަހެއް ސަރުކާރުން ހަލުވިކުރާއްވާނެކަމަށާއި، ކޮންމެ ރަމަޟާން މަހަކުވެސް އޯގާތެރިކަމާ ކުލުނާ ދީލަތިކަމުގެ ނަމޫނާ ދައްކައި، ރައްޔިތުންގެ ހިތްތަކަށް ތަސައްލީ ލިބިދިނުމަށް އަދުގެ ސަރުކާރުން އިސްނަންގަވާނެކަމަށް އެމަނިކުފާނުގެ ޚިތާބުގައި ފާހަގަކުރެއްވިއެވެ.
ރަމަޟާން މަހު ރައްޔިތުންގެ ހިތްތަކަށް ތަސައްލީ ލިބިދިނުމަށް އަދުގެ ސަރުކާރުން އިސްނަންގަވާނެކަން ރައީސް ހާމަކުރައްވާފައިވާއިރު އެމަނިކުފާނު ވެރިކަމާއި ހަވާލުވި ހިސާބުން ފެށިގެން ރައްޔިތުންނަށް ފަސޭހަކޮށްދެއްވުމަށް ޚާއްސަ އިސްކަމެއް ދެއްވާކަން ހާމަކުރައްވައި އެމަގުން ގެންދަވަނީ މުހިއްމު މަސައްކަތްޕުޅުތަކެއް ކުރައްވަމުންނެވެ. ޚާއްސަކޮށް ރަމަޟާން މަހު ރައްޔިތުން އުފުލަންޖެހޭ ތަކުލީފުތައް ކުޑަކުރެއްވުމަށް އިޤްތިޞާދީ، އިޖްތިމާޢީ އަދި ދީނީ ގޮތުންވެސް ފަހި އަދި ފައިދާހުރި ކަންކަން ސަރުކާރުންދަނީ ކުރައްވަމުންނެވެ.
އެގޮތުން ރައްޔިތުންނަށް ލުއިފަސޭހަ ކުރުމުގެ ގޮތުން، މިދިޔަ އަހަރުއްސުރެ ރަމަޟާން މަހުގެ ފަހު 10ގައި ސަރުކާރުގެ އޮފީސްތައް ބަންދުކުރަން ވަނީ ނިންމަވާފައެވެ. އަދި މިދިޔަ އަހަރެކޭ އެއްގޮތަށް މިއަހަރުވެސް ރޯދަމަހުގެ ކަރަންޓު ބިލާއި ފެންބިލުން ޑިސްކައުންޓްދޭން ރައީސް ވަނީ ނިންމަވާފައެވެ. މިދިޔަ އަހަރު ކާޑުގެ ބައެއް ބާވަތްތައް ރައްޔިތުންނަށް ދޫކުރިއިރު، މިއަރުގެ ރޯދަމަހު ކޮންމެ ގޭބިސީއަކަށް ވަނީ މަސްދަޅު ކޭހެއް ބަހާފައެވެ.
މީގެ އިތުރުން ކުރިން ރޯދަ އެލަވަންސް ނުލިބޭ ފަރާތްތަކަށް އެލަވަންސް ދިނުމާއި، ރަމަޟާންމަހު އުމްރާއަށްދާ ފަރާތްތަކަށް 1500 ޑޮލަރާއި ހަމައަށް ކާޑު ލިމިޓު ވަނީ ބޮޑުކޮށްދީފައެވެ.
ރައީސް މުޢިއްޒު ވިދާޅުވެފައިވަނީ ރައްޔިތުންނަށް ހިޔާވަހިކަން ކަށަވަރުކޮށްދީ، ދިރިއުޅުމުގެ މުހުތާދުތައް ފުއްދައިދިނުމަށް ފަށާފައިވާ މަސައްކަތް ދުވަހަކަށްވުރެ ދުވަހެއް ހަލުވިކުރައްވާނެ ކަމަށެވެ. ރައްޔިތުންގެ ހައްޤުގައި ރަމަޟާން މަހަށް ޚައްސަކޮށްގެން ގިނަ ކަންކަން ރާވާ އަދި ގިނަ ތައްޔާރީތަކެއް ވެފައިވާއިރު އެފަދަހުރިހާ ކަމަކީވެސް މި ބަރަކާތްތެރި މަހު ރައްޔިތުން ކުރަން ޖެހޭ ހޭދަތައް ކޫޑަކުރުމަށް ސަރުކާރުން ދޭ ލުއިތަކެކެވެ.