މޯލްޑިވިއަންގެ “ހިނިތުންވުމާއެކު ޤައުމީ އެއަރލައިން” ކެމްޕެއިން ރަސްމީކޮށް ފުވައްމުލައް ސިޓީގައި ލޯންޗުކޮށްފިއެވެ. މި ކެމްޕެއިން ލޯންޗުކުރުމާ ގުޅިގެން ފުވައްމުލަކު ތުނޑީގައި “މޯލްޑިވިއަން ހަވީރީ އުފާ” ގެ ނަމުގައި ޚާއްސަ ހަރަކާތެއް ކުރިއަށް ގެންދެވުނެވެ.
މޯލްޑިވިއަންގެ ފެސިލިޓީ އެންޑް މެއިންޓަނަންސް، ނަޝާތު ހަމީދު ދައުލަތުގެ މީޑިއާއަށް ދެއްވި މަޢުލޫމާތުގައި ވިދާޅުވި ގޮތުގައި މި ކެމްޕެއިންގެ މައިގަނޑު މަޤްޞަދަކީ މޯލްޯލްޑިވިއަނުން ދަތުރުކުރާ ހުރިހާ މަންޒިލްތަކެއްގެ މުޖުތަމަޢުއާ ގުޅުން ބަދަހިކުރުމެވެ. އަދި މޯލްޑިވިއަނުން ދެމުންދާ ޚިދުމަތްތައް އިތުރަށް ރަނގަޅުކޮށް، ޚިދުމަތް ލިބިގަންނަ ފަރާތްތަކުގެ ފީޑްބެކް އަޑުއަހައި، ރަނގަޅުކުރަންޖެހޭ ކަންކަން ރަނގަޅުކުރުމެވެ.
ނަޝާތު އިތުރަށް ވިދާޅުވި ގޮތުގައި މި ކެމްޕެއިންގެ ދަށުން ގިނަ ހަރަކާތްތަކެއް ކުރިއަށް ގެންދެވޭނެއެވެ. އޭގެ ތެރޭގައި މުޖުތަމަޢުއާ ގުޅުންހުރި ކަންކަމާއި ތިމާވެށްޓާ ގުޅުންހުރި ހަރަކާތްތައް ހިމެނެއެވެ. މިގޮތުން، ސަރުކާރުގެ 5 މިލިއަން ގަސް އިންދުމުގެ ޕްރޮގްރާމްގެ ދަށުން ފުވައްމުލަކުގައި ގަސް އިންދުމުގެ ހަރަކާތެއް ކުރިއަށް ގެންގޮސްފައިވެއެވެ.
މީގެ އިތުރުން، ސްކޫލް ނިންމާ ދަރިވަރުންނަށް ވަޒީފާގެ މައިދާނަށް ނުކުންނައިރު ބޭނުންވާނެ ހުނަރާއި ޤާބިލުކަން އިތުރުކުރުމަށް މަޢުލޫމާތު ދިނުމުގެ ސެޝަންތަކެއްވެސް ފުވައްމުލަކުގައި ކުރިއަށް ގެންގޮސްފައިވެއެވެ.
ފުވައްމުލަކު ތުނޑީގައި ކުރިއަށް ގެންދެވުނު ކުޑަކުދިންގެ ހަވީރަކީވެސް މި ކެމްޕެއިންގެ ބައެކެވެ. މި ހަރަކާތް ކުރިއަށް ގެންދެވިފައިވަނީ ފުވައްމުލަކު ސިޓީ ކައުންސިލާ ގުޅިގެން، ފުވައްމުލަކުގައި ކުރިއަށްދާ މާހެފުމުގެ ހަރަކާތުގެ ތެރެއިންނެވެ.
ނަޝާތު ވިދާޅުވި ގޮތުގައި މި ކެމްޕެއިންގެ ހަރަކާތްތައް ރާއްޖޭގެ އެކި ކަންކޮޅުތަކުގައި ކުރިއަށް ގެންދެވޭނެއެވެ. ޚާއްޞަކޮށް މިއަހަރަކީ މޯލްޑިވިއަންގެ 25 ވަނަ އަހަރީ ދުވަސް ފާހަގަކުރާ އަހަރު ކަމުން، އެކި ސަރަޙައްދުތަކުގައި މި ހަރަކާތްތައް ބޭއްވޭނެއެވެ.
ކުޑަކުދިންގެ ހަވީރުގައި ޚާއްޞަ ޕްރޮމޯޝަނެއްގެ ގޮތުގައި ކިއުއާރް ކޯޑެއް ސްކޭންކޮށްގެން ރާއްޖޭގެ ބޭނކުޑަކުދިންގެ ހަވީރުގައި ޚާއްޞަ ޕްރޮމޯޝަނެއްގެ ގޮތުގައި ކިއުއާރް ކޯޑެއް ސްކޭންކޮށްގެން ރާއްޖޭގެ ބޭނުން މަންޒިލަކަށް ދަތުރުކުރުމުގެ ފުރުޞަތު 3 ފަރާތަކަށް ހުޅުވާލެވުނެވެ. ގަޑި ހަމަވުމުން، ލަކީ ޑްރޯގައި ބައިވެރިވި ހުރިހާ އެންމެންގެ މެދުގައި ގުރުއަތު ނެގުނެވެ. އެގޮތުން ގުރުއަތުން ހޮވުނު 3 ފަރާތަކަށް ރާއްޖޭގެ 3 މަންޒިލަކަށް ދަތުރުކުރުމަށް ޓިކެޓް ހަވާލުކުރެވުނެވެ.
މި ކެމްޕެއިނަކީ ޕޮޒިޓިވް ކަލްޗަރއެއް ބިނާކުރުމާއި މުޖުތަމަޢުއަށް އެކި ދާއިރާތަކުން އެހީތެރިކަން ފޯރުކޮށްދިނުމުގެ މަޤްޞަދުގައި ކުރިއަށްގެންދާ ހަރަކާތެކެވެ. މި ކެމްޕެއިންގެ ދަށުން ކުރިއަށް އޮތް ތަނުގައި ރާއްޖޭގެ އެކި ކަންކޮޅުތަކުގައި އިތުރު ހަރަކާތްތައް ބޭއްވުމަށް ވަނީ ރޭވިފައެވެ.
“ފުވައްމުލަކުގައި އޮންނަ މާހެފުމުގެ ތެރެއިން ކުޑަކުދިންގެ ހަވީރެއްގެ އިވެންޓް. އެއާއެކު އަޅުގަނޑުމެންގެ ކެމްޕެއިން މި ވަނީ ލޯންޗު ކުރެވިފައި. އަޅުގަނޑުމެން މިކަންތައް ހަމަ ރާއްޖޭގެ އެކި ކަންކޮޅުތަކުގައި ކުރިއަށް ދާނެ. މި އަހަރަކީ އަޅުގަނޑުމެންގެ 25 ވަނަ އަހަރީ ދުވަސް ފާހަގަކުރާ އަހަރުކަމުން އެކި ދިމަ ދިމާލުގައި މި ހަރަކާތްތައް ކުރިއަށް ގެންދާނެ.” ނަޝާތު،