ޒަރޫރީ ބޭނުމެއްގައި މެނުވީ ބަރު އުޅަނދުފަހަރާއި ހަތަރު ފުރޮޅުލީ އުޅަނދުފަހަރު މަގުތަކުގައި ނުދުއްވުމަށް މޯލްޑިވްސް ޕޮލިސް ސަރވިސްއިން ވަނީ އިލްތިމާސްކޮށްފައެވެ.
ފުލުހުން މިފަދައިން އިލްތިމާސްކޮށްފައިވަނީ މާލެއަށް ބޯކޮށް ވެހުނު ވާރޭގައި މަގުތަކުގައި ފެންބޮޑުވެ، ބައެއް ގޭގެއަށް ފެން ވަދެފައިވާތީ، މަގުތަކުން ފެން ހިނދި އާންމު ހާލަތަށް އަންނަންދެންނެވެ.
މިފަދަ ކުއްލި ހާލަތްތަކުގައި ރައްޔިތުންގެ ފަރާތުން ލިބޭ އެއްބާރުލުމާއި އެހީތެރިކަމަށް ފާހަގަކޮށް ފުލުހުން ވަނީ އިހުލާސްތެރިކަމާއެކު ޝުކުރު އަދާކޮށްފައެވެ.
މޫސުމީ ބަދަލުތަކާ ގުޅިގެން މާލެއަށް މިފަދަ ބޯ ވާރޭވެހި، މަގުތަކުގައި ފެންބޮޑުވުމުގެ ހާދިސާތައް ތަކުރާރުވަމުންދާއިރު، މިފަދަ ހާލަތްތަކުގައި ރައްޔިތުން ސަމާލުވެ، ފުލުހުންގެ އިރުޝާދުތަކަށް ތަބާވުމަކީ މުހިންމުކަމެއް ކަމުގައި ފާހަގަކުރެވެއެވެ.