އިއްޔެއްގެ ވަގުތެއްގައި ކާރެއް ރުކަކާއި ތޮށިގަނޑަކާއި ދޭތެރެއަށް ވަދެ އެކްސިޑެންޓް ވެފައިވެއެވެ.
ފުލުހުން ހުވަދޫ މީޑިއާއަށް މައުލޫމާތު ދީފައިވާގޮތުގައި، މި ހާދިސާ ހިނގާފައިވަނީ އިއްޔެ މެންދުރު 12:10 އެހައިކަށްހާއިރުގައެވެ. މި ހާދިސާ ހިނގި ވަގުތު ފުލުހުން އެ ސަރަހައްދުގައި ހަރަކާތްތެރިވެފައިވެއެވެ.
މި ހާދިސާ ހިނގާފައިވަނީ ދަރުމަވަންތަ ހޮސްޕިޓަލް ކައިރީގައި ކަމަށް ވެސް ފުލުހުން ބުނެފައިވެއެވެ. އަދި މި އެކްސިޑެންޓްގައި އެއްވެސް މީހަކަށް އަނިޔާވެފައި ނުވާކަމަށް ފުލުހުން ޔަގީންކޮށްދީފައިވެއެވެ.
މަންޒަރު ދުށްމީހަކު ބުނިގޮތުގައި، މި ހާދިސާ ދިމާވެފައިވަނީ ކާރު ދުއްވަން އިން ފަރާތުން އޮޅިގެން ބްރޭކަށް ފިތާލުމުގެ ބަދަލުގައި ސްޕީޑަށް ފިތާލެވުމުގެ ސަބަބުންނެވެ. “ރޯދަ ވަރުބަލިވުމުގެ ސަބަބުން އެކްސިޑެންޓް ވީ،” ކަމަށް ޑްރައިވަރު ބުނެފައިވެއެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
ރަމަޟާން މަހުގައި މަގުމަތީގައި ދުއްވާ އިރު އިތުރަށް ސަމާލުވުމަށް ފުލުހުން އަބަދުވެސް އިލްތިމާސް ކުރައްވައެވެ.