ރޭ ލޮރީ އަކާއި ސައިކަލެއް ޖެހި ހިނގި އެކްސިޑެންޓުގައި ސައިކަލު ދުއްވި ފަރާތަށް އެއްވެސް ސީރިއަސް އަނިޔާއެއް ވެފައި ނުވާކަމަށް ފުލުހުން ހާމާކޮށްފިއެވެ.
ފުލުހުން ބުނީ ، މި އެކްސިޑެންޓް ހިނގާފައިވަނީ މިރޭ 21:00 ހާއިރުގައި ކަމާށާއި އެކްސިޑެންޓް ހިނގާފައިވަނީ ބޮޑުތަކުރުފާނު މަގުން ދުއްވަމުން ދިޔަ ސައިކަލެއް ކަހާލައިގެން ގޮސް، އެ މަގުން ދުއްވަމުން ދިޔަ ލޮރީއެއްގައި ޖެހިގެން ކަމަށެވެ.
ފުލުހުން ފާހަގަކުރި ގޮތުގައި، މި އެކްސިޑެންޓްގައި ސައިކަލު ދުއްވި ފަރާތް ލޮރީގެ ދަށަށް ވެއްޓިފައިވަނީ ސައިކަލު ކަހާލައިގެން ދިއުމުގެ ސަބަބުންނެވެ. ނަމަވެސް ލޮރީ އޭނާގެ ގައިމަތިން ގޮސްފައި ނުވާކަން ފުލުހުން ފާހަގަކުރިއެވެ.
މި މައްސަލައި ފުލުހުން ދަނީ އިތުރަށް ތަޙުޤީޤު ކުރަމުންނެވެ.