މާލޭގައި ގޭސް ފުޅިއެއް ވަގަށް ނަގައިގެން ދިޔަ މީހަކު ހައްޔަރުކޮށްފިއެވެ.
މި މައްސަލައިގައި ހައްޔަރުކޮށްފައިވަނީ ވެށި/ގއ.ކޮލަމާފުށީ އަހުމަދު ޝިފާޒު (36 އަހަރު) އެވެ.
މި މައްސަލައާ ގުޅޭ ބަންދު އަމުރުގައި ވަނީ ފުލުހުން އޭނާ ހައްޔަރުކުރީ ގޭސް ފުޅި ހިފައިގެން ދަނިކޮށް ފެނިގެން ސުވާލުކުރުމަށްފަހުކަމަށެވެ. އަދި ސުވާލުކުރުމުން އޭނާ ބުނެފައިވަނީ އެއީ ޕޭވްމަންޓް މަތީގައި ބަހައްޓާފައި ހުރި ގޭސް ފުޅިއެއް ކަމަށާއި ، ވިއްކާލަން ވެގެން ހިފައިގެން ދަނީ ކަމަށެވެ. މީގެ އިތުރުން ބަންދު އަމުރުގައި ވަނީ އެއީ ވަގަށް ނަގާފައިވާ ގޭސް ފުޅިއެއް ކަމަށް ތުހުމަތު ކުރެވޭ ކަމަށެވެ.
މައްސަލައާ ގުޅިގެން އޭނާގެ ބަންދަށް 15 ދުވަސް ޖަހާފައިވާއިރު ޝިފާޒަކީ މީގެ ކުރިން ވެސް އެކި އެކި ކުށުގެ ތުހުމަތުގައި 25 ފަހަރަށް ހައްޔަރު ކޮށްފައިވާ މީހެކެވެ.
ރައީސް ޑރ. މުޢިއްޒުގެ އިރުޝާދުގެ ދަށުން، ކަމާ ބެހޭ އިދާރާތައް ދަނީ މިފަދަ ކުށްތައް ހުއްޓުވުމަށް މަސައްކަތް ކުރަމުންނެވެ.