ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) އިން 1446 ވަނަ އަހަރުގެ ރަމަޟާންމަސް އިހްޔާކުރުމުގެ ގޮތުން ދަރުހެެއްގެ އިތުރުން، އެ ކުންފުނީގެ މުވައްޒަފުންނަށް ޚާއްސަ ތަރާވީހެއް ބާއްވައިފިއެވެ. މި ހަރަކާތް ކުރިއަށް ގެންދެވިފައިވަނީ ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީގެ އިސްނެންގެވުމުގެ މަތިންނެވެ.
މި ޚާއްސަ ތަރާވީހުގައި، މުވައްޒަފުންނަށް ދީނީ ނަސޭހަތް ދިނުމުގެ ސެޝަނެއް ހިމެނުނެވެ. މީގެ އިތުރުން، ސްޓެލުން، ސްޓެލްކޯ ރެކްރިއޭޝަން ކުލަބުގެ ފަރާތުން ކުރިން ބޭއްވި ޤުރުއާން މުބާރާތާއި މަދަހަ މުބާރާތުގެ ނަތީޖާ އިޢުލާންކުރުމާއި، ކާމިޔާބުކުރި ފަރާތްތަކަށް އިނާމު ދިނުމުގެ ރަސްމިއްޔާތުވެސް މި ހަރަކާތުގެ ތެރޭގައި ކުރިއަށް ގެންދެވުނެވެ.
މި ހަފްލާއާ ގުޅޭގޮތުން ވާހަކަފުޅު ދައްކަވަމުން މި ފަދަ ހަރަކާތްތަކަކީ މުވައްޒަފުންގެ މެދުގައި އެކުވެރިކަން އިތުރުކޮށް، ދީނީ ރޫހު އާލާކުރުމަށް ވަރަށް މުހިންމު ކަމެއްކަން ފާހަގަކުރައްވައި ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީ ވިދާޅުވީ، މުވައްޒަފުންގެ ހުނަރާއި ޤާބިލުކަން ފާހަގަކުރުމަށް މިފަދަ ފުރުސަތުތައް ދިނުމަކީ ކުންފުނީގެ އަމާޒެއް ކަމުގައެވެ.
މި ހަފްލާގައި ސްޓެލްކޯގެ މެނޭޖިންގ ޑިރެކްޓަރ ހުސައިން ފަހުމީގެ އިތުރުން ކުންފުނީގެ އެހެނިހެން އިސްވެރިންވެސް ބައިވެރިވެ ވަޑައިގަތެވެ.