ރާއްޖޭގައި ފާނަ ބަސަންދު ޖެހިގެން ރިޕޯޓްކުރާ ކޭސްތަކުގެ އަދަދު އިތުރުވެފައިވާ ކަމަށް ހެލްތް ޕްރޮޓެކްޝަން އޭޖެންސީ (އެޗްޕީއޭ) އިން ވިދާޅުވެއްޖެއެވެ.
އެގޮތުން، މިއަހަރުގެ ފެބްރުއަރީ މަހާއި އަޅާ ބަލާއިރު މާރޗު މަހުގައި ފާނަ ބަސަންދު ޖެހިގެން ރިޕޯޓް ކުރެވުނު އަދަދު އިތުރުވެފައިވާ އެޗްޕީއޭއިން ވިދާޅުވެފައިވާއިރު، ނިމިދޔަ ފެބްރުއަރީ މަހު ފަނަ ބަސަންދުގެ 190 ވޭދަނަ ރިޕޯޓްކޮށްފައިވާއިރު، މާރިޗު މަހުގައި ވަނީ 316 ވޭދަނައެއް ރިޕޯޓްކޮށްފައެވެ.
މިބަލީގެ އަލާމަތްތަކުގެ ތެރޭގައި:
- ހުންއައުން
- ބޮލުގައި ރިއްސުން
- ކެއްސުން
- ބަނޑުގައި ރިއްސުން
- ފެންއަރާފައި ހުން ބިހިތަކެއް ނެގުން
ފާނަ ބަސަންދު ނުވަތަ ޗިކެން ޕޮކްސް އަކީ ވަރަށް ފަސޭހައިން ގައިން ގަޔަށް އަރާ ބައްޔެއް ކަމުން މިދުވަސްވަރު ސިއްހަތަށް ހާއްސަ ސަމާލުކަމެއް ދީގެން ހުރިހާ ފަރާތްތަކަކުންވެސް އުޅުމަށް އިލްތިމާސްކުރަމެވެ.