46 ދޯންޏަކަށް 2.1 މިލިއަން ރުފިޔާ މިފްކޯއިން ދޫކޮށްފިއެވެ.
މިއީ 14 އޭޕްރީލް ވަނަ ދުވަހު މަސްވެރިން މިފްކޯއަށް ކިރާފައިވާ މަހުގެ އަގަށް ވާ ފައިސާ ކަމަށް މިފްކޯއިން ވިދާޅުވެއެވެ.
މިފްކޯއިން ވިދާޅުވެފައިވަނީ 16 އޭޕްރީލް އާ ހަަމައަށް ދައްކަން ޖެހޭ ހުރިހާ ފައިސާއެއް ދައްކައި ނިމިފައިވާނެ ކަމަށާއި، 14 އޭޕްރީލް ވަނަ ދުވަހު 46 ދޯންޏަކުން މަސް ކިރާފައިވާ ކަމަށެވެ. އެ ދޯނިތަކަށް ޖުމްލަ 2،132،958 ރުފިޔާ ދޫކޮށްފައިވާ ކަމަށް ވެސް އެ ކުންފުނިން މައުލޫމާތުދެއެވެ.
މަސްވެރިން މަސް ކިރާތާ 48 ގަޑިއިރު ތެރޭގައި ފައިސާ ދިނުމަކީ ރައީސް، ޑރ. މުޙައްމަދު މުއިއްޒުގެ ރިޔާސީ ވަޢުދުފުޅެކެވެ.
މީގެ އިތުރުން، މަސްވެރިކަމުގެ ސިނާޔަތް ކުރިއެރުވުމަށް މަސްވެރިންނަށް ލުއިފަސޭހަ ގޮތްތަކެއް ހޯދައިދިނުމުގެ ގޮތުން، މަސްވެރިކަމުގެ ލޯނު ސްކީމްތައް ތައާރަފުކޮށް، މަސްވެރިކަމުގެ އާލާތްތައް އަގުހެޔޮކޮށް ލިބޭނެ މަގު ފަހިކޮށްދީފައިވާކަން ފާހަގަކޮށްލެވެއެވެ.