ރާއްޖެ ބަނގުރޫޓުވެދާނެކަމަށާއި މާލީ ބޮޑު ލޮޅުންތަކެއް އަންނާނެކަމަށް އެކި ފަރާތްތަކުން ބުނަމުންދިޔަ ނަމަވެސް، އެފަދަ ހާލަތަކަށް ނުގޮސް ސަލާމަތުގެ އައްސޭރިއަކަށް ރާއްޖެއަށް އާދެވިފައި މިވަނީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު އެޅުއްވި މާލީ އަދި އިޤްތިޞާދީ ހަރުދަނާ ފިޔަވަޅުތަކުގެ ސަބަބުންކަމަށް ފިޝަރީޒް މިނިސްޓަރު އަހުމަދު ޝިޔާމް ވިދާޅުވެއްޖެއެވެ.
މިނިސްޓަރު ޝިޔާމް މިހެން ވިދާޅުވީ ވެރިކަން ކުރާ ޕީއެންސީ ރޭ ބޭއްވި ހަރުގެ ޖަލްސާގައި ވާހަކަ ދައްކަވަމުންނެވެ.
މިނިސްޓަރ ވިދާޅުވީ 2025 ވަނަ އަހަރަކީ ރައީސް ޑރ. މުޙައްމަދު މުޢިއްޒުގެ ސަރުކާރުގައި އެންމެ ގިނަ ޕްރޮޖެކްޓް އެއްފަހަރާ ހިންގާނެ އަހަރުކަމަށް ވަޒީރު ފާހަގަކުރެއްވިއެވެ. އަދި އެއްފަހަރާ 2000 އަށްވުރެ ގިނަ ޕްރޮޖެކްޓް ރާއްޖޭގެ އެކި ސަރަހައްދުތަކުގައި މިއަހަރު ފެށިގެންދާނެ ކަމަށް މިނިސްޓަރ ވިދާޅުވިއެވެ.
އެމްޑީޕީގެ ސުޕަ މެޖޯރިޓީ އޮތް 19 ވަނަ ރައްޔިތުންގެ މަޖިީހުން ތަރައްގީގެ އެއްވެސް މަޝްރޫއެއް ކުރިއަށް ގެންދަން ފުރުސަތެއް ނުލިބުނު ކަމަށާއި، ސަރުކާރުގެ ފުރަތަމަ އަހަރު ތަހައްމަލް ކުރަން ޖެހުނީ މަލީ ގޮތުންވެސް އުނދަގޫ ހާލަތެއްގައި ކަމަށާ އެމްޑީޕީގެ ވެރިކަން ނިންމާލީ 120 ބިލިޔަން ޑޮލަރަށްވުރެ ބޮޑު އަދަދަކުން ގައުމު ބަނގުރޫޓޫކޮށްލާފައިކަމަށް މިނިސްޓަރ ކަމަށް ޝިޔާމް ވަނީ ވިދާޅުވެފައެވެ.