ދިވެހިރާއްޖެ ހަރުދަނާކޮށް ހިންގަމުން، ރާއްޖޭގެ މުސްތަގުބަލު ބައްޓަން ކޮށްދެނީ މަސައްކަތްތެރިން ކަމަށް ރޯޑް ޑިވެލޮޕްމަންޓް ކޯމްޕެނީ (އާރްޑީސީ) ގެ މެނޭޖިންގް ޑިރެކްޓަރު ބްރިގޭޑިއާ ޖެނެރަލް ރިޓަޔާ އަލީ ޒުހައިރު ވިދާޅުވެއްޖެ އެވެ.
މަސައްކަތްތެރިންގެ ދުވަހާ ގުޅިގެން އެކްސްގައި ކުރެއްވި ޕޯސްޓެއްގައި އެމްޑީ ވިދާޅުވެފައިވަނީ މިއީ ރާއްޖެ ހަރުދަނާކޮށް ހިންގަމުން ގެންދާ ދިވެހި ގައުމުގެ މުވައްޒަފުންނަށް ހާއްސަ ގޮވުމެއް ކަމަށެވެ. "ގައުމުގެ މުސްތަގުބަލް ބައްޓަންކޮށްދޭ، ތިޔަބޭފުޅުންގެ ބުރަ މަސައްކަތާއި، އަޒުމާއި، ސާބިތުކަން އަޅުގަނޑުމެން ވަރަށް އިހްލާސްތެރިކަމާއެކު ފާހަގަކުރަން" އެމްޑީ ވިދާޅުވި އެވެ.
ދިވެހިރާއްޖޭގެ މުސްތަގުބަލު ބައްޓަންކޮށްދެނީ މަސައްކަތްތެރިން / އާރްޑިސީ އެކްސްވީޑިއޯ އެސްއެސް
އާރްޑީސީ އިން ބުނެފައިވާ ގޮތުގައި މަސައްކަތްތެރިންގެ ދުވަހެއް ފާހަގަކުރުމުގެ އެންމެ ބޮޑު ބޭނުމަކީ، މުޖުތަމަޢުގެ ކުރިއެރުމާއި ޤައުމުތަކުގެ ތަރައްޤީގައި މަސައްކަތްތެރިން އަދާކުރާ މުހިންމު ދައުރުގެ އަގު ވަޒަންކުރުމެވެ.
ބައިނަލްއަޤުވާމީ މަސައްކަތްތެރިންގެ ދުވަހުގެ މުނާސަބަތުގައި، ރާއްޖޭގައި ތަފާތު ދާއިރާތަކުން ވަޒީފާ އަދާކުރާ އެންމެހައި މަސައްކަތްތެރިންނަށާއި، އެމީހުންގެ ޢާއިލާތަކަށް އިޚްލާޞްތެރިކަމާއެކު ތަހުނިޔާ އާއި ހެޔޮއެދުންތައް އަރިސްކުރާ ކަމަށްވެސް އާރްޑީސީން ބުންޏެވެ.