އްގޭތެރެ އަބަދުވެސް ރީތިކޮށް، ސާފުކޮށް އަދި މީރުވަސްދުވާ ގޮތަށް ބެހެއްޓުމަކީ ކޮންމެ މީހަކުވެސް އެދޭނެ ކަމެކެވެ. ވަކިން ޚާއްޞަކޮށް މަސައްކަތުގެ ބުރަ ދުވަހަކަށްފަހު ގެއަށް އަންނައިރު ގޭތެރެ މީރުވަހުން ފުރިފައި ހުރުމަކީ ހިތްހަމަޖެހުމެއް ގެނެސްދޭނެ ކަމެކެވެ. މިފަދަ މީރުވަހެއް ގޭތެރެއަށް ގެނައުމަށް ގުދުރަތީ ގޮތްތަކެއް ބޭނުން ކުރެވިދާނެ އެވެ.
އެސެންޝަލް އޮއިލް އާއި އެރޯމާތެރަޕީ؛ އެސެންޝަލް އޮއިލްއަކީ ގަސްގަހުން ނަގާ ގުދުރަތީ ތެލެކެވެ. މި ތެލުގައި އެކުލެވިގެންވަނީ ގަހުގެ ޒާތުގައި ހުންނަ މީރުވަހާއި ފައިދާހުރި މާއްދާތަކެވެ. މީގެ ތެރޭގައި އެންޓިބެކްޓީރިއަލް އަދި އެންޓިވައިރަލް ސިފަތައް ހިމެނެއެވެ. ގޭތެރޭގައި އެރޯމާތެރަޕީ ޑިފިއުސާއެއް ބޭނުންކޮށްގެން ނުވަތަ ހޫނު ފެނުގެ ތެރެއަށް އެސެންޝަލް އޮއިލް އަޅައިގެން ގޭތެރެ މީރުވަސްދުއްވާ ތާޒާކުރެވިދާނެއެވެ.
ލުނބޯ އަދި ކަރަންފޫގެ މީރުވަސް: ލުނބޯ ތޮށި، ކަރަންފޫ އަދި ފޮނިތޮށި ކައްކާލުމަކީ ގޭތެރެ މީރުވަހުން ފުރުވާލުމަށް ޒަމާނުއްސުރެ ކުރަމުން އަންނަ ކަމެކެވެ. މި ތަކެތި ކެއްކުމުން އޭގެ ގުދުރަތީ އެސެންޝަލް އޮއިލް ވައިގެ ތެރެއަށް ދޫވެ، ގޭތެރެ މީރުވަހުން ފުރާލައެވެ. މިއީ ވަރަށް ފަސޭހައިން ކުރެވޭނެ އަދި ޚަރަދު ކުޑަ ގޮތެކެވެ.
ކޮފީގެ ހާއްސަ ބޭނުން؛ ކޮފީއަކީ ނުބައިވަސް ކަނޑުވާލުމަށް ވަރަށް ފައިދާހުރި އެއްޗެކެވެ. ކުނިވަށީގެ ނުބައިވަސް ކަނޑުވާލުމަށް ކޮފީ ބޭނުންކުރެވިދާނެއެވެ. ކުނި އަޅާ ކޮތަޅުގެ އަޑީގައި ކޮފީކޮޅެއް އެޅުމުން ނުބައިވަސް މަދުކޮށްދެއެވެ. މީގެ އިތުރުން ކޮފީ ކެއްކާލުމުންވެސް ގޭތެރެއަށް މީރުވަހެއް ގެނެސްދެއެވެ.
ވިނިގާގެ ބޭނުން؛ ކައްކާ ވަގުތު އުފެދޭ ވަސްތައް ކަނޑުވާލުމަށް ވިނިގާއަކީ ވަރަށް ރަނގަޅު އެއްޗެކެވެ. ބޯތައްޓެއްގައި ވިނިގާ އަޅައިގެން ބެހެއްޓުމުން ކެއްކުމުގެ ވަސް މަދުކޮށްދެއެ
ބުރަ ދުވަހަކަށްފަހު ގެއަށް އަންނައިރު ގޭތެރެ މީރުވަހުން ފުރިފައި ހުރުމަކީ ހިތްހަމަޖެހުމެއް ގެނެސްދޭނެ ކަމެއް — ފޮޓޯ: ދަ ޔަމީލައިފް.ކޮމް
ވެ. މަސްވަސް ގޭތެރޭގައި ހިފައިފިނަމަ، ވިނިގާ އަޅާފައިވާ ތަށްޓަށް ޕާންކޮޅެއް ލައިގެން ބެހެއްޓިދާނެއެވެ.
ގުދުރަތީ ވައިގެ މުހިންމުކަން؛ ގޭތެރެ މީރުވަހުން ފުރާލުމަށް އެންމެ ރަނގަޅު އެއް ގޮތަކީ ގުދުރަތީ ވައި ދައުރުވާގޮތަށް ދޮރުތައް ހުޅުވާލުމެވެ. މިގޮތުން ގޭތެރޭގައި ޖަމާވެފައިވާ ނުބައިވަސްތައް ނައްތާލެވި، ސާފު ވައި ގެއަށް ވަދެއެވެ. މިއީ އެއްވެސް ޚަރަދެއް ނުހިނގާ، އެންމެ ގުދުރަތީ ގޮތެވެ.
ގޭތެރެ މީރުވަހުން ފުރާލުމަށް ކެމިކަލް އެކުލެވޭ އެއާ ފްރެޝްނާ ބޭނުންކުރުމުގެ ބަދަލުގައި މިފަދަ ގުދުރަތީ ގޮތްތައް ބޭނުންކުރުމަކީ ޞިއްޙަތަށާއި ތިމާވެއްޓަށް ފައިދާހުރި ކަމެކެވެ. އަދި މިއީ އަގުހެޔޮ، ދެމެހެއްޓެނިވި ގޮތްތަކެކެވެ. މި ގޮތްތައް ބޭނުންކޮށްގެން ގޭތެރެ އަބަދުވެސް މީރުވަހުން ފުރާލެވި، ދިރިއުޅުމުގެ ފެންވަރު މަތިކުރެވިދާނެއެވެ.