މ.ދިއްގަރު ކައިރިން ވަދު ކަނދުފަތި ޤާއިމްކޮށްފިއެވެ.
30 އެޕްރީލް 2025 ވަނަ ދުވަހު މ.ދިއްގަރުގެ އިރު އުތުރުން 6 މޭލު ބޭރުގައި ވަދު ކަނދުފަތި ނަންބަރު J10V01 ވަނީ ޤާއިމްކޮށްފައެވެ. މިކަނދުފަތީގެ ލޮކޭޝަން އަކީ
03° 09.800’N
73° 38.300’E
މި ކަނދުފަތި ޤާއިމްކުރެވުމަކީ އެ ސަރަޙައްދުގެ މަސްވެރިންނަށް، ޚާއްޞަކޮށް ޒުވާން މަސްވެރިންނަށް ވަރަށް ބޮޑު އުފަލެއް ލިބިގެން ދިޔަކަމެކެވެ. މި ހިސާބުގެ ޒުވާނުންގެ މެދުގައި ސްޕޯޓްސް ފިޝިންގ އަކީ ވަރަށް މަޤްބޫލު މަސްވެރިކަމަކަށް ވެފައި، މިފަދަ ކަނދުފަތިތައް ޤާއިމްކުރުމަކީ އެ ފަރާތްތަކުން ވަރަށް ބޮޑަށް އެދެމުން އައި ކަމެކެވެ.
މި ކަނދުފަތި ޤާއިމްކުރުމުގެ މަޤްޞަދަކީ އެ ސަރަޙައްދުގެ މަސްވެރިކަން އިތުރަށް ކުރިއެރުވުމާއި، ޒުވާނުންނަށް މަސްވެރިކަމުގެ ދާއިރާއިން އިތުރު ފުރުޞަތުތައް ހޯދައިދިނުމެވެ. އަދި މިކަމުގެ ސަބަބުން އެ ސަރަޙައްދުގެ އިޤްތިޞާދަށްވެސް ފައިދާތަކެއް ކުރާނެއެވެ.