އިންދިރާގާންދީ މެމޯރިއަލް ހޮސްޕިޓަލާއި ހުޅުމާލޭ ހޮސްޕިޓަލާއި ދެމެދު އެއްބާރުލުން ދިނުމުގެ ގޮތުން، އައިޖީއެމްއެޗްގެ އޮޕަރޭޝަނަށް ޚާއްޞަ ޑޮކްޓަރުންގެ ޓީމުން ބައެއް އޮޕަރޭޝަންތައް ހުޅުމާލޭ ހޮސްޕިޓަލުގައި ކުރުމަށް ނިންމައިފިއެވެ.
ހުޅުމާލޭ ހޮސްޕިޓަލުން ބުނީ ދެ ހޮސްޕިޓަލް ގުޅިގެން އެއްބާރުލުން ދިނުމުގެ ގޮތުން، އައިޖީއެމްއެޗްގެ އޮޕަރޭޝަން ތިއޭޓަރުގައި ހުޅުމާލޭ ހޮސްޕިޓަލުގެ އޮޕަރޭޝަން ޑޮކްޓަރުން ހަފްތާއަކު އެއްފަހަރު މަސައްކަތް ކުރައްވާނެއެވެ. މީގެ އިތުރުން ހުޅުމާލޭ ހޮސްޕިޓަލުގައި އައިޖީއެމްއެޗްގެ އޮޕަރޭޝަން ޑޮކްޓަރުން ހަފްތާއަކު އެއްފަހަރު މަސައްކަތް ކުރާނެއެވެ.
ދެ ހޮސްޕިޓަލުން އެއްބާރުލުން ދިނުމުގެ ގޮތުން ކުރިއަށް އޮތް ތަނުގައި އައިޖީއެމްއެޗްގެ އޮޕަރޭޝަން ޑޮކްޓަރުން ހުޅުމާލޭ ހޮސްޕޓަލުގެ އޯޕީޑީ ގައިވެސް މަސައްކަތް ކުރާނެއެވެ.
މިކަމަކީ ދެ ހޮސްޕިޓަލުގައިވެސް އޮަޕރޭޝަނަށް ޙާއްޞަ ފަރުވާއަށް ލިބިގެންދާނެ ކުރިއެރުމެކެވެ.