ތިނަދޫ ސިޓީގައި ހިނގި ނުރައްކާތެރި އެކްސިޑެންޓެއްގައި އަންހެނެއްގެ ބޮލަށް ބޮޑެތި އަނިޔާތަކެއްވެ، އިތުރު ފަރުވާ ހޯދުމަށް މާލެ ގެނެވިއްޖެއެވެ.
ފުލުހުން މައުލޫމާތު ދީފައިވާ ގޮތުގައި، މި އެކްސިޑެންޓް ހިނގާފައިވަނީ 2025 އޭޕްރިލް 27 ވަނަ ދުވަހުގެ 15:47 ހާއިރު، ތިނަދޫ ސިޓީގެ ކުރީގެ ހުކުރު މިސްކިތް ކައިރީގައެވެ. މި އެކްސިޑެންޓްގައި ކާރަކާއި ސައިކަލެއް ޖެހި، ސައިކަލުގައި ދުއްވަން އިން 31 އަހަރުގެ އަންހެން މީހާއަށް ވަނީ ބޮޑެތި އަނިޔާތަކެއް ލިބިފައެވެ.
އެކްސިޑެންޓާ ގުޅިގެން އަނިޔާ ލިބުނު އަންހެން މީހާއަށް ފުރަތަމަ ފަރުވާ ދެވިފައިވަނީ ތިނަދޫ ރީޖަނަލް ހޮސްޕިޓަލްގެ އައި.ސީ.ޔޫގައެވެ. އޭނާގެ ހާލަތު ސީރިއަސްވުމާ ގުޅިގެން، އިމަޖެންސީކޮށް މާލެ ގެނެވި، މިހާރު ވަނީ އިންދިރާ ގާންދީ މެމޯރިއަލް ހޮސްޕިޓަލްގައި ފަރުވާ ދެމުންނެވެ.
މި މައްސަލައިގައި ކާރު ދުއްވި ފަރާތް ވަނީ ފުލުހުންގެ ބެލުމުގެ ދަށަށް ގެނެވި، ތަހުގީގަށް ސުވާލުކޮށްފައިވާ ކަމަށްވެސް ފުލުހުން ވަނީ ބުނެފައެވެ.