މޫނުގައި ނަގާ ބިހިތަކާއި ބްލެކްހެޑްސްއަކީ ގިނަ ބަޔަކަށް ދިމާވާ މައްސަލައެކެވެ. މި މައްސަލަ ހައްލުކުރުމަށް ބޮޑެތި އަގުތައް ދީގެން ސެލޫނުތަކަށް ދިއުމުގެ ބަދަލުގައި، ގޭގައި ތިބެގެންވެސް ކުރެވިދާނެ ފަރުވާތަކެއް ވެއެވެ. މި އަދުގެ ފަތިސްތަރީގައި މި އަލިއަޅުވާލާނީ އެފަދަ ފަރުވާތަކަށެވެ.
- 1- ގުދުރަތީ ބާވަތްތަކުން ތައްޔާރުކުރާ މާސްކްތައް
މާމުއި އަދި ފޮނިތޮށި އެއްކޮށްގެން ތައްޔާރުކުރާ މާސްކް އަކީ ވަރަށް ފަސޭހައިން ގޭގައި ތައްޔާރުކުރެވިދާނެ އެއްޗެކެވެ. މިގޮތަށް ތައްޔާރުކުރާ މާސްކް، މޫނުގައި ހޭކުމަށްފަހު 15 މިނެޓް ވަންދެން ބަހައްޓާށެވެ، އެއަށްފަހު ތާފަނާ ނޫނީ ފިނި ފެނުން ދޮވެލުމުން ރަނގަޅު ނަތީޖާއެއް ފެންނާނެއެވެ. މީގެ އިތުރުން އެލޯވެރާ ޖެލް އަދި ޓީޓްރީ އޮއިލްވެސް ބޭނުންކުރެވިދާނެއެވެ.
ލޮނާއި ހަކުރު ބޭނުންކޮށްގެން ސްކްރަބް ކުރުމަކީވެސް މޫނުގެ މަރުވެފައިވާ ސެލްތައް ނައްތާލުމަށް ރަނގަޅު ގޮތެކެވެ.
ހޫނު ފެނުން ބޮނޑިތާންކުރުމާއި، ގަނޑު ފެނުން ބޮނޑިތާންކުރުމަކީ މޫނުގެ މަރުވެފައި ހުންނަ ސެލްތަކުން މޫނު ސަލާމަތްކޮށްދީ މޫނަށް ތާޒާކަން ގެނުވާ ކަމެކެވެ. ހަމައެހެންމެ ބައެއްފަހަރު، ބިހިތަކާއި ބްލެކްހެޑްސް ފިލުވުމަށް ދޭ ފަރުވާގެ ސަބަބުން ދުޅަވުމާއި ރަތްވުން ކުޑަކުރުމަށް އެހީވެދޭނެ ކަންތައްތަކެވެ. ހާއްސަގޮތެއްގައި މޫނުގެ ރީތިކަމާއި ދުޅަހެޔޮކަމަށް ކާނާގެ ދައުރު ވަރަށް މުހިންމުކަން ހަނދާނުގައި ބަހައްޓަންވާނެއެވެ. ގިނައިން ފެން ބުއިމާއި، މޭވާއާއި ތަރުކާރީ ގިނައިން ކެއުމާއި، ހަކުރު މަދު ކާނާ ކެއުމަކީ މޫނުގެ ބިހިތައް މަދުކުރުމަށް އެހީވެދޭނެ ކަންތައްތަކެވެ.
ހާއްސަގޮތެއްގައި މޫނުގެ ރީތިކަމާއި ދުޅަހެޔޮކަމަށް ކާނާގެ ދައުރު ވަރަށް މުހިންމު—ފޮޓޯ: ޑރ އެކްސް
- 2- ތިން މަރުހަލާއަކުން ދެވޭ ފަރުވާއެއް
މޫނުގެ ބިހިތަކާއި ބްލެކްހެޑްސް ނައްތާލުމަށް ގޭގައި ކުރެވިދާނެ އެންމެ ފަސޭހަ އަދި ރަނގަޅު އަނެއް ފަރުވާއަކީ ދަތްއުނގުޅާ ބޭހާއި ކްލޭ ބޭނުންކޮށްގެން ކުރެވޭ ފަރުވާއެވެ. މި ފަރުވާ ކުރިއަށް ގެންދަންޖެހެނީ ތިން މަރުހަލާއެއްގެ މައްޗަށެވެ.
ފުރަތަމަ މަރުހަލާ
ފުރަތަމަ މަރުހަލާގައި ކުރަންޖެހެނީ ދަތްއުނގުޅާ ބޭހާއި ލޮނު އެއްކޮށްގެން މޫނުގައި މަޑުމަޑުން އުނގުޅުމެވެ. މިއީ މޫނުގެ ހަން ސާފުކޮށް، ބިހިތަކާއި ބްލެކްހެޑްސް ނެގުމަށް ތައްޔާރުކުރުމުގެ މަރުހަލާއެވެ.
ދެވަނަ މަރުހަލާ
ދެވަނަ މަރުހަލާގައި ހޫނު ފެނުގައި ތެންމާލެވިފައިވާ ގޯޒް ފޮތިކޮޅެއް 30 މިނެޓަށް މޫނުގައި ބަހައްޓަންވާނެއެވެ. މިކަމުން މޫނުގެ ހަމުގެ ލޯވަޅުތައް ހުޅުވި، ބިހިތަކާއި ބްލެކްހެޑްސް ފަސޭހައިން ނެގުމަށް މަގުފަހިވެގެންދާނެއެވެ.
ތިންވަނަ މަރުހަލާ
އެންމެ ފަހު މަރުހަލާގައި ކްލޭއާއި ޔޯގަޓް އެއްކޮށްލުމަށްފަހު، ބްލެކްހެޑްސް ހުރި ސަރަހައްދުގައި 10 މިނެޓަށް ބަހައްޓަންވާނެއެވެ. މި މިކްސްޗަރ އިން މޫނުގެ ހަން އިތުރަށް ސާފުވެ، ބިހިތަކާއި ބްލެކްހެޑްސް ނައްތާލުމަށް އެހީތެރިވެދޭނެއެވެ.
މި ފަރުވާ ހަފްތާއަކު އެއްފަހަރު ބޭނުންކުރުމުން މޫނުގެ ހަން ޒުވާންވެ ރީތިވާނެއެވެ. ނަމަވެސް މި ފަރުވާ ބޭނުންކުރުމުގައި ބައެއް ކަންކަމަށް ސަމާލުވާން ޖެހެއެވެ. އެގޮތުން ދަތްއުނގުޅާ ބޭހާއި ކްލޭއަށް އެލަރޖީވާ ފަރާތްތަކުން މި ފަރުވާ ބޭނުންކުރުމުގެ ކުރިން، ކުޑަ ތަންކޮޅެއްގައި ޓެސްޓުކޮށްލުން މުހިންމެވެ. އަދި އެލަރޖީވާނަމަ، އެހެން ބާވަތެއްގެ ފަރުވާއެއް ބޭނުންކުރުން މުހިންމެވެ.
(މައުލޫމާތާއި އެހީ: ޑރ އެކްސް)