ކިއުކަމްބާ އަކީ އޭގައި ގިނައިން ފެން ހުރުމާއެކު ފައިދާ ހުރި ނިއުޓްރިއެންޓްސްގެ ސަބަބުން ހަންގަނޑަށް ދިރުންދީ ހަމުގެ ފަރުވާއެއްގެ ގޮތުން މަޝްހޫރު ބާވަތެކެވެ.
މިއީ ހަންގަނޑު ހިކި ކުރަކިވެފައި ހުރުމާއި، ކުދިރޫ ޖެހުން ހުއްޓުވުމާއި، ހަންގަނޑު އޮމާންކޮށް ބެހެއްޓުމަށް އެހީތެރިވެދޭ ބާވަތެކެވެ. އެހެންކަމުން ކިއުކަންބާ އިން ތައްޔާރު ކުރެވޭ ހާއްސަ މި ޕޭސްޓަކީ ޒަމާނުއްސުރެ ޗައިނާ ހިސާބުގައި މަޝްހޫރު ޕޭސްޓެކެވެ. އަދި ޖަޕާނާއި އިނގިރޭސިވިލާތުގައިވެސް މި ޕޭސްޓުގެ ފައިދާ ތަޖުރިބާ ކޮށް، އެއަށް ގިނަ ބައެއްގެ އިތުބާރު ލިބިފައިވާ ޕޭސްޓެކެވެ.
މިއީ ގިނަ ބައެއްގެ އިތުބާރު ލިބިފައިވާ ޕޭސްޓެކެވެ
މި ޕޭސްޓް ތައްޔާރު ކުރުމަށް ކޮންމެ ކަހަލަ ކިއުކަންބާ އެއްވެސް ބޭނުން ކުރެވިދާނެއެވެ. އެކަމަކު އޭގެ އެންމެ ރަނގަޅު، އަދި އެންމެ ބޮޑަށް ފައިދާ ކުރުވަނިވި، އޭގެ އަސަރު ކުރުވަނިވި ވައްތަރަކީ ޖަޕާނުގެ ކިއުކަންބާ، ޖަޕަނީޒް ކިއުކަންބާއެވެ. ޖަޕަނީޒް ކިއުކަންބާ ވަކިކުރަން އުނދަގުލެއް ނުވާނެއެވެ. ކުރުކޮށް ފަލަކޮށް ހުންނަ ކިއުކަންބާއާ ތަފާތުކޮށް މި ކިއުކަންބާ ދިގުވާނެއެވެ. އަދި ޗިޗަންޑާ ފާޑުގެ ފުުޅާ ކަމެއް ހުންނަ މި ބާވަތުގެ ކިއުކަންބާ ރާއްޖެއިންވެސް ފަސޭހަކަމާއެކު ލިބެން ހުރެއެވެ.
ކިއުކަންބާގެ މި ޕޭސްޓް ތައްޔާރު ކުރާނެ ގޮތަށް ދިއުމުގެ ކުރިން ކިއުކަންބާގެ ފައިދާ ތަކަށް ބަލައިލާނަމެވެ.
ތިން ވައްތަރުގެ ތިން ކިއުކަންބާ، މެދުގައި ޖަޕަނީޒް ކިއުކަންބާ
ހައިޑްރޭޝަން އެންޑް މޮއިސްޗަރައިޒޭޝަން
ކިއުކަމްބާގެ ގާތްގަނޑަކަށް %95 އަކީ ފެން ކަމަށްވާތީވެ، މީގެއިން ގައިގެ ހަންގަނޑު ތެތްފިނިކޮށް ތާޒާ ކޮށްލަދެއެވެ. ހަމުގެ އިލާސްޓިސިޓީ، ނުވަތަ ހަންގަނޑު ދޫނުވެ، ހަމުގެ ބާރުކަން ދެމެހެއްޓުމަށާއި ހަންގަނޑު ހިކިވެ ކުރަކިވުން ހުއްޓުވުމަށް ރަނގަޅު ފިނިކަން ކޮންމެހެންވެސް މުހިންމު ކަމަށްވާއިރު ކިއުކަންބާއަކީ މިގޮތުން އެއްވަނައިގެ ބާވަތޭ ބުނެވިދާނެއެެވެ.
ކިއުކަމްބާ ފޮތިތައް ނުވަތަ ކިއުކަމްބާ ޖޫސް ހަންގަނޑުގައި އުނގުޅުމުން ތެތްކަން ހަންގަނޑުގައި ހިފަހައްޓައިދީ، ހަންގަނޑު މަޑުކޮށް، ތާޒާކޮށް ބެހެއްޓުމަށް އެހީތެރިވެދެއެވެ.
އެންޓި-އޭޖިންގ ޕްރޮޕަޓީސް(އުމުރުން ދުވަސްވީހެން ހީނުވާނެހެން ހަންގަނޑުގެ ޒުވާންކަން ދަމަހައްޓައިދޭ މާއްދާތައް)
ކިއުކަމްބާގައި ބީޓާ ކެރޮޓީން އަދި ވިޓަމިން ސީ ފަދަ އެންޓިއޮކްސިޑެންޓްސް އެކުލެވިގެންވާއިރު، މިއީ ގައިގެ ހަންގަނޑުގެ ޒުވާންކަން ދަމަހައްޓައިދީ ހަމުގެ ކުރަކިކަން ފިލުވައި، ކުދިރޫޖެހުމުން ދުރުކޮށްލަދޭ ފްރީ ރެޑިކަލްސް އާއި ދެކޮޅަށް މަސައްކަތް ކުރުމަށް އެހީތެރިވެދޭ މާއްދާތަކެކެވެ.
ހަންގަނޑު ހިކިވެ ކުރަކިވުން ހުއްޓުވުމަށް އަދި ހަމުގެ ކުލައަލިކުރުމަށްވެސް:ކިއުކަންބާޕޭސްޓް
ސުޓިންގ އެންޑް ކޫލިންގ އިފެކްޓްސް
ކިއުކަމްބާގައި އެންޓި-އިންފްލެމެޓަރީ ޕްރޮޕަޓީސް އެކުލެވިގެންވާތީ، ކުރަކިވެ ކުދިރޫޖެހި ހަރުކަށިކަން ހުންނަ ހަންގަނޑު ފިނިކޮށްދީ، ކުރަކިވުމާއި ކުދިރޫޖެހުމުން ދުރު ކޮށްލަދޭނެއެއެވެ.
ފިނިވުމުގެ އަސަރު ކިއުކަމްބާގެ ގުދުރަތީ ފިނިކަމުގެ އަސަރަކީ ދުޅަވުން މަދުކޮށްދީ، އަވިން ފިހިފައިވާ ނުވަތަ ނާޒުކު ހަންގަނޑަށް ލުއި ލިބިދޭ އެއްޗެކެވެ.
ނިއުޓްރިއެންޓްސް ގިނަ
ވިޓަމިންސް އަދި މިނަރަލްސް: ކިއުކަމްބާގައި ވިޓަމިން އޭ، ބީ1، ބީ6، ސީ، އަދި ޑީގެ އިތުރުން ފޮލޭޓް، ކެލްސިއަމް، މެގްނީޒިއަމް، އަދި ޕޮޓޭސިއަމް ގިނައިން ހުރެއެވެ. މި ނިއުޓްރިއެންޓްސް އަކީ ދުޅަހެޔޮ ހަންގަނޑެއް ގެނައުމަށް ވަރަށް މުހިންމު މާއްދާތަކެކެވެ.
އިތުބާރާއި ޔަގީންކަން ލިބިފައިވާ ކިއުކަންބާ ޕޭސްޓު:އަމިއްލަ ނަފުސުހެ އިތުބާރު ވަރުގަދަކޮށްލަދޭ
އަމަލީ ގޮތުން ބޭނުންކުރެވޭނެ ގޮތްތައް
ކިއުކަމްބާ މާސްކް: ގޭގައި ހަދާ ކިއުކަމްބާ މާސްކް، ގިނަ ފަހަރަށް ޔޯގަޓް ނުވަތަ ރީނދޫ ފަދަ ގުދުރަތީ އެހެން މާއްދާތަކާ އެއްކޮށްލުމުން ހަންގަނޑު ކުރަކިވުމުން ސަލާމަތްވެ އޮމާންވެއެވެ. "ސްކިންކެއާ ރޫޓިން" ގައިގެ ހަންގަނޑު، މޫނާއި ދެއަތްތިލަ އަދި ދެފައިތިލައިގެ އިތުރުން މުޅި ހަށިގަނޑުގައި ކިއުކަމްބާ ބޭނުންކޮށްގެން ޕޭސްޓް ނުވަތަ އެހެން ގޮތްގޮތަށްވެސް ބޭނުން ކުރުމަކީ ހަމުގެ ގުދުރަތީ ސިފަތަކަށް އިތުރު ދުޅަހެޔޮ، ޒުވާން، އަދި އޮމާން ކަމެއް ގެނެސްދޭ ތާޒާކޮށް ހުންނާނެ މޮޅު ފަރުވާއެކެވެ،
އުމުރުން ދުވަސްވީހެން ހީނުވާނެހެން ހަންގަނޑުގެ ޒުވާންކަން ދަމަހައްޓައިދޭ މާއްދާތައް އެކުލެވޭ
ކިއުކަންބާ ޕޭސްޓް: ބޭނުންވާ ތަކެއްޗާއި ތައްޔާރު ކުރާނެ ގޮތް:
- 1 ޖަޕަނީސް ކިއުކަންބާ އެއް
ދޮވެލުމަށްފަހު ފޮތިތަކަކަށް ކޮށާލާށެވެ. އަދި މިކްޗަރުގައި ރަނގަޅަށް ހިމުންވެ ކިއުކަންބާއިން ދިޔަފެލުނީމަ، ފުރޭންޏަކުން ފުރާނައި ތަށްޓަކަށް އަޅާށެވެ.
- 1 ސަމުސާ ކޯންސްޓަރޗް
ކިއުކަންބާ ޖޫހުގެ ތެރެއަށް ކޯންސްޓރޗް ސަމުސާ އަޅައި ރަނގަޅަށް އެއްކޮށްލާށެވެ.
ތެއްޔަކަށް އަޅައި މަޑުގިނީގަައި 15 މިނެޓެއްހާއިރު ކައްކާލާށެވެ.
މަތިބަންދުކުރެވޭ ކަހަލަ ފުޅިއަކަށް ކަހަލަ އެއްޗަކަށް އަޅާށެވެ.
- ކާށި ތެޔޮ ސަމުސާ އެއް، ކިއުކަންބާ ޕޭސްޓަށް އަޅައި ރަނގަޅަށް އެއްކޮށްލާށެވެ
- މަތިބަންދު ކޮށްފައި އައިސްއަލަމާރީގައި ބަހައްޓާށެވެ.
މޫނާއި ގައިގެ ހަންގަނޑުގައި ހާކާށެވެ. ކުރަކިވެ ކުދިރޫޖެހުމުން ދުރުކޮށް ހަންގަނޑާއި މޫނަށް ތާޒާކަން ގެނެސް ޒުވާންކަމަށް ދައްކާނެއެވެ.
މިއީ މޫނާއި ގައިގެ ހަންގަނޑުގެ ޒުވާންކަން ދަމަހައްޓައިދޭ މާއްދާތައް އެކުލެވޭ ބާވަތްތަކުން ތައްޔާރުކޮށްފައިވާ ޔަގީންކަންބޮޑު މުޖައްރިބު ޕޭސްޓެކެވެ. ނިކަން އަޖުމަ ބަލާލަމާތޯއެވެ!