ސްޓްރޯބެރީއަކީ ގިނަ މީހުންނަށް މީރު ރަހައެއްގެ ގޮތުގައި ފާހަގަކުރެވޭ މޭވާއެކެވެ. ނަމަވެސް، މި މޭވާގެ ބޭނުން ހަމައެކަނި ކެއުމަށް އެކަނި ނޫނެވެ. ސްޓްރޯބެރީއަކީ މޫނުގެ ރީތިކަން އިތުރުކޮށް، ހަމުގެ ދުޅަހެޔޮކަން ރަނގަޅުކުރުމަށް ވެސް ބޭނުންކުރެވޭ މޭވާއެކެވެ. މި ބަލައިލަނީ ސްޓްރޯބެރީ ބޭނުންކޮށްގެން މޫނު ރީތިކޮށްލެވޭނެ ގޮތްތަކަކަށެވެ.
މޭވާއަކީ ހަމުގެ ފަރުވާއަށް ވަރަށް މުހިންމު އެއްޗެކެވެ. ކެއުމުން އެތެރެހަށްޓަށް މޭވާގެ ފައިދާ ކުރާއިރު، ސްކްރަބް، މާސްކް އަދި ފޭޝަލްގެ ގޮތުގައި މޭވާ ބޭނުންކުރުމަކީ އޭގެން ހަމަށް އެތައް ގޮތަކުން ފައިދާވެ، ހަންގަނޑު އުޖާލާވެ މަޑުވެ، އަދި ގިނަ ދުވަހު ޒުވާންކަން މަތީ ހަންގަނޑު ބެހެއްޓުމަށް އެހީތެރިވާ ކަމެކެވެ.
ސްޓްރޯބެރީފޭސްމާސްކުން މޫނު ރީތިކޮށްލަދޭނެ/ ފޮޓޯ: ބިއުޓީޕޭޖު
ސްޓްރޯބެރީއަކީ ބޮޑެތި މީހުންނާއި ކުޑަކުދިން ވެސް ކެއުމަށް އެހާމެ ފޯރި ހުންނަ މޭވާއަކަށް ވާއިރު، ގަވާއިދުން ސްޓްރޯބެރީ ބޭނުންކުރާނަމަ ހަންގަނޑު އަލިވެ އުޖާލާވެގެން ދާނެއެވެ.
މި މޭވާގައި ވިޓަމިން ސީ، އެންޓިއޮކްސިޑެންޓްސް، އަދި އަލްފާ ހައިޑްރޮކްސީ އެސިޑް ފަދަ މާއްދާތައް އެކުލެވިފައިވާތީ، ހަމުގެ ސިފަ ރަނގަޅުކުރުމަށް އެހީތެރިވެދެއެވެ. އަދި މޫނު ރީތިކޮށް ބެހެއްޓުމަށް އެހީތެރިވެދެއެވެ.
މޫނު ސާފުކޮށް އުޖާލާކޮށް ބެހެއްޓުމުގެ އިތުރަށް ރީތިކަން އިތުރުކުރުމަށް ސްޓްރޯބެރީ ބޭނުންކުރެވޭނެ ގޮތްތައް ބުނެދޭނަމެވެ.
ސްޓްރޯބެރީޕޭސްޓުން މޫނަށް އުޖާލާކަން ގެނެސްދި ރީތިކޮށްލަދޭނެ/ ފޮޓޯ: ބިއުޓީޕޭޖު
ސްޓްރޯބެރީ ފޭސް މާސްކް
ބޭނުންވާ ތަކެތި
- 4-5 ފިނިކޮށްފައި ހުރި ސްޓްރޯބެރީ،
- 1 މޭޒުމަތީ ސަމުސާ މާމުއި،
- 1 މޭޒުމަތީ ސަމުސާ ޔޯގަޓް.
ބޭނުން ކުރާނެ ގޮތް
ސްޓްރޯބެރީތައް ތަށްޓެއްގައި އެއްވަރަކަށް މެޝް ކޮށްލާށެވެ. މާމުއި އަދި ޔޯގަޓް އަޅާފައި، ރަނގަޅަށް އެއްކޮށްލާށެވެ. މި މިކްސްޗަރ މޫނުގައި އުނގުޅާއިރު، ލޮލުގެ ސަރަހައްދުގައި ނުހޭކޭނެހެން ބޭނުން ކުރާށެވެ. 15-20 މިނެޓް ވަންދެން ބެހެއްޓުމަށްފަހު ތާފަނާ ފެނުން ދޮވެލާށެވެ. މި މާސްކަކީ ހަންގަނޑު އުޖާލާކޮށްދީ، މޫނު އަލިކޮށްދިނުމަށް އެހީތެރިވެދޭ މާސްކެކެވެ.
ސްޓްރޯބެރީޕޭސްޓުން މޫނަށް އުޖާލާކަން ގެނެސްދި ރީތިކޮށްލަދޭނެ/ ފޮޓޯ: ބިއުޓީޕޭޖު
ސްޓްރޯބެރީ ސްކްރަބް
ބޭނުންވާ ތަކެތި
- 2-3 ސްޓްރޯބެރީ،
- 1 މޭޒުމަތީ ސަމުސާ ހަކުރު،
- 1 މޭޒުމަތީ ސަމުސާ ޒައިތޫނި ތެޔޮ.
ބޭނުން ކުރާނެ ގޮތް
ސްޓްރޯބެރީ މެޝްކޮށް ހަކުރު އަދި ޒައިތޫނި ތެލާއި އެއްކޮށްލާށެވެ. ތައްޔާރު ކުރި ސްކްރަބް މޫނުގައި ހޭކުމަށްފަހު މަޑުމަޑުން މޫނުގެ ވަށައިގެން ހަރަކާތްތަކެއްގެ ގޮތުގައި ދެތިން މިނެޓެއްހާއިރު މަސާޖު ކުރާށެވެ. އެއަށްފަހު މޫނު ތާފަނާ ފެނުން ދޮވެލާށެވެ. މި ސްކްރަބްގެ ސަބަބުން ހަމުގައި މަރުވެފައިވާ ސެލްތައް ސާފުކޮށްލުމަށް އެހީތެރިވެދީ، ހަންގަނޑު އޮމާންކޮށް ތާޒާކޮށްދެއެވެ. މި ސްކްރަބް ގެ ސަބަބުން މޫނަށް ލިބޭ ތާޒާކަމާއެކު ލޭ ދައުރުވުން އިތުރު ކޮށްދޭނެއެވެ.
ސްޓްރޯބެރީޕޭސްޓުން މޫނަށް އުޖާލާކަން ގެނެސްދި ރީތިކޮށްލަދޭނެ/ ފޮޓޯ: ބިއުޓީޕޭޖު
ސްޓްރޯބެރީ ޓޯނަރ
ބޭނުންވާ ތަކެތި
- 5-6 ސްޓްރޯބެރީ،
- 1 ތަށި ރޯޒް ވޯޓަރ.
ބޭނުން ކުރާނެ ގޮތް
ސްޓްރޯބެރީތައް ބްލެންޑަރުގައި ގިރުމަށްފަހު ސްޓްރޯބެރީ ޖޫހަށް ރޯޒް ވޯޓާ އެއްކޮށްލާށެވެ. މި މިކްސްޗަރ ސްޕްރޭ ފުޅިއެއްގައި ރައްކާކުރެވިދާނެއެވެ. މޫނު ސާފުކުރުމަށްފަހު ޓޯނަރެއްގެ ގޮތުގައި ބޭނުންކުރާށެވެ. މި ޓޯނަރ، ހަމުގައި ހުންނަ ކުދިރޫތަކުން ސަލާމަތްކޮށްދީ، ހަންގަނޑު ތާޒާކޮށްދިނުމަށް އެހީތެރިވެދޭނެއެވެ. މިއީ ހަމުގެ ޕީ.އެޗް ލެވެލް ބެލެންސްކޮށް، ހަމުގެ މަސްއޫލިއްޔަތު ކުޑަކުރުމަށް އެހީވެދޭނެ ގޮތެކެވެ.
ސްޓްރޯބެރީޕޭސްޓުން މޫނަށް އުޖާލާކަން ގެނެސްދި ރީތިކޮށްލަދޭނެ/ ފޮޓޯ: ބިއުޓީޕޭޖު
ސްޓްރޯބެރީ ސްޕޮޓް ފަރުވާ
ބޭނުންވާ ތަކެތި
- 1 ސްޓްރޯބެރީ،
- ދެތިންތިކި ލުނބޯ ޖޫސް.
ބޭނުން ކުރާނެ ގޮތް
ސްޓްރޯބެރީ މެޝްކޮށްލުމަށްފަހު ލުނބޯ ޖޫހާއި އެއްކޮށްލާށެވެ. މި ސްޓްރޯބެރީ މިކްސްޗަަރ މޫނުގައި ހުންނަ ލަކުނުތަކަށް ފަރުވާއެކެވެ. ރަތްވެފައި ނޫނީ ބިހިތަކުން ރަތްވެފައި ގޮތަށް މޫނުގައި ހުންނަ ތަންތަނުގައި ހާކާށެވެ. ދޮވުމުގެ ކުރިން 10-15 މިނެޓް ވަންދެން ބަހައްޓާށެވެ. މީގެ ސަބަބުން ބިހިތަކުން އަރާފައި ހުންނަ ރަތްކަން ފިލުވައިދީ ރަތްވުން ކުޑަވެގެންދެއެވެ.
ސްޓްރޯބެރީޕޭސްޓުން މޫނަށް އުޖާލާކަން ގެނެސްދި ރީތިކޮށްލަދޭނެ/ ފޮޓޯ: ޝަޓަސްޓޮކް
މޫނަށް މިތަކެތި ބޭނުން ކުރުމުގެ ކުރިން ޕެޗް ޓެސްޓެއް ހަދައިގެން އެލާޖިކް ރިއެކްޝަނެއް ނުވާނެކަން ޔަގީން ކުރަން ހަނދާން ކުރާށެވެ. އަދި އެއަށްފަހު ސްޓްރޯބެރީގެ ގުދުރަތީ ފައިދާތަކުން އުފާ ލިބިގަތުމުގައި އެއްވެސް މައްސަލައެއް ނޯންނާނެއެވެ.